పీపీఈ కిట్ వేసుకొని.. కొవిడ్ పేషెంట్ మృత‌దేహాన్ని న‌దిలో ప‌డేస్తూ.. షాకింగ్ వీడియో

బ‌ల్‌రామ్‌పూర్‌: ఉత్త‌ర‌ప్ర‌దేశ్‌లో ఓ షాకింగ్ వీడియో బ‌య‌ట‌కు వ‌చ్చింది. పీపీఈ కిట్ వేసుకున్న ఓ వ్య‌క్తి కొవిడ్‌తో చ‌నిపోయిన వ్య‌క్తి మృత‌దేహాన్ని బ్రిడ్జిపై నుంచి న‌దిలోకి ప‌డేస్తున్న వీడియో ఇప్పుడు వైర‌ల్‌గా మారిపోయింది. ఇప్ప‌టికే ఆ రాష్ట్రంలో గంగ‌, య‌మున న‌దుల్లో వంద‌ల సంఖ్య‌లో శ‌వాలు తేలుతూ క‌నిపిస్తున్న త‌రుణంలో ఈ వీడియో షాక్‌కు గురి చేస్తోంది.

ప‌ట్ట‌ప‌గ‌లు, బ్రిడ్డిపై వాహ‌నాలు తిరుగుతున్న స‌మ‌యంలోనే ఆ వ్యక్తి మ‌రొక‌రి సాయంతో ఇలా మృత‌దేహాన్ని న‌దిలోకి ప‌డేయ‌డం గ‌మ‌నార్హం. ఈ నెల 28న జరిగిన ఈ ఘ‌ట‌న‌ను ఆ స‌మ‌యంలో బ్రిడ్జిపై నుంచి వెళ్తున్న వ్య‌క్తులు వీడియో తీశారు. అది కొవిడ్ పేషెంట్ మృత‌దేహ‌మేన‌ని బ‌ల్‌రామ్‌పూర్ చీఫ్ మెడిక‌ల్ ఆఫీస‌ర్ బీబీ సింగ్‌ చెప్పారు. ఇప్ప‌టికే బంధువుల‌పై కేసు న‌మోదు చేశారు. వాళ్ల‌పై క‌ఠిన చ‌ర్య‌లు తీసుకుంటామ‌ని ఆయ‌న స్ప‌ష్టం చేశారు.

#India | A man in a PPE suit was caught on camera throwing a body into Rapti river in #UttarPradesh.

The body was of a Covid positive patient who lost his life on May 28. pic.twitter.com/P49GzBZv5j

— Munir A Hussein (@Munir566) May 30, 2021