Man Rapes Woman | ఇల్లు మంజూరైనట్లు నమ్మించి.. మహిళపై వ్యక్తి అత్యాచారం, వీడియో రికార్డ్‌

Man Rapes Woman | ప్రభుత్వ పథకం ద్వారా ఇంటి కోసం దరఖాస్తు చేసుకున్న మహిళకు అది మంజూరైనట్లు ఒక వ్యక్తి నమ్మించాడు. పత్రాలపై సంతకాల పేరుతో గెస్ట్‌ హౌస్‌కు ఆమెను రప్పించాడు. మత్తు మందు కలిపిన కూల్‌ డ్రింక్‌ తాగించి అత్యాచారానికి పాల్పడ్డాడు. దీనిని వీడియో రికార్డ్‌ చేసి ఆమెను బెదిరించాడు.

లక్నో: ప్రభుత్వ పథకం ద్వారా ఇంటి కోసం దరఖాస్తు చేసుకున్న మహిళకు అది మంజూరైనట్లు ఒక వ్యక్తి నమ్మించాడు. పత్రాలపై సంతకాల పేరుతో గెస్ట్‌ హౌస్‌కు ఆమెను రప్పించాడు. మత్తు మందు కలిపిన కూల్‌ డ్రింక్‌ తాగించి అత్యాచారానికి పాల్పడ్డాడు. దీనిని వీడియో రికార్డ్‌ చేసి ఆమెను బెదిరించాడు. (Man Rapes Woman) బాధిత మహిళ ఫిర్యాదుతో ఆ వ్యక్తిని పోలీసులు అరెస్ట్‌ చేశారు. ఉత్తరప్రదేశ్‌లోని మధుర జిల్లాలో ఈ సంఘటన జరిగింది. బృందావన్ కొత్వాలి ప్రాంతంలో నివసించే ఒక మహిళ, ప్రధాన మంత్రి ఆవాస్ యోజన కింద ఇంటి కోసం దరఖాస్తు చేసుకున్నది. అనిల్ కుమార్‌గా పరిచయం చేసుకున్న ఒక వ్యక్తి ఆ మహిళకు ఫోన్‌ చేశాడు. ఆమె దరఖాస్తు ఆమోదం పొందినట్లు తెలిపాడు. అక్టోబర్ 30న ఒక ఖాళీ స్థలాన్ని ఆ మహిళకు చూపించాడు. పీఎంఏవై కింద అక్కడ నిర్మించే ఇల్లు ఆమెకు ఉచితంగా లభిస్తుందని నమ్మించాడు.

కాగా, నవంబర్ 5న అధికారిక పత్రాలపై సంతకాలు చేయడానికి, ఇతర లాంఛనాలు పూర్తి చేయడానికి అని చెప్పి బృందావన్‌లోని ఒక గెస్ట్ హౌస్‌కు ఆ మహిళను అనిల్ కుమార్‌ పిలిచాడు. మత్తుపదార్థం కలిపిన కూల్‌ డ్రింక్‌ ఆమెకు ఇచ్చి అత్యాచారానికి పాల్పడ్డాడు. దీనిని తన మొబైల్‌లో వీడియో రికార్డ్‌ చేశాడు. ఈ విషయాన్ని ఎవరికైనా చెబితే ఆ వీడియోను వైరల్ చేస్తానని అతడు బెదిరించాడు.

అయితే బాధిత మహిళ స్థానిక పోలీస్‌ స్టేషన్‌లో ఫిర్యాదు చేసింది. దీంతో మంగళవారం అనిల్‌ కుమార్‌ను పోలీసులు అరెస్ట్‌ చేశారు. నిందితుడిపై పలు సెక్షన్ల కింద కేసు నమోదు చేసి దర్యాప్తు చేస్తున్నట్లు పోలీస్‌ అధికారి వెల్లడించారు.