మంచు కొండపై మ్యాగీ అమ్మి రోజుకు 15 వేలు

చిన్న వ్యాపారమని తక్కువ అంచనా వేయకూడదని హిమాచల్‌ ప్రదేశ్‌లోని ఓ మ్యాగీ విక్రేత నిరూపిస్తున్నాడు. రోహ్‌తాంగ్‌ పాస్‌ రోడ్డు పక్కన చిన్న దుకాణం ఏర్పాటు చేసుకున్న ఆయన సంపాదన వివరాలు సోషల్‌ మీడియాలో వైరల్‌ అవుతున్నాయి.

రోహ్‌తాంగ్‌: చిన్న వ్యాపారమని తక్కువ అంచనా వేయకూడదని హిమాచల్‌ ప్రదేశ్‌లోని ఓ మ్యాగీ విక్రేత నిరూపిస్తున్నాడు. రోహ్‌తాంగ్‌ పాస్‌ రోడ్డు పక్కన చిన్న దుకాణం ఏర్పాటు చేసుకున్న ఆయన సంపాదన వివరాలు సోషల్‌ మీడియాలో వైరల్‌ అవుతున్నాయి. రోజుకు 60-70 ప్లేట్ల మ్యాగీ, సుమారు 200 కప్పుల టీ విక్రయిస్తున్నట్లు విక్రేత వెల్లడించాడు.

దీని ద్వారా రూ. 6,000 నుంచి 7,000, టీ అమ్మకాల ద్వారా రూ. 8,000 ఆదాయం వస్తున్నది. మొత్తంగా రోజుకు సుమారు రూ. 14,000 నుంచి 15,000 టర్నోవర్‌ నమోదవుతోంది. గుడ్ల విక్రయాల ద్వారా అదనపు ఆదాయం సమకూరుతున్నది. అయితే ఈ మొత్తం నికర లాభం కాదు.