Post-Mortem Room: పోస్టుమార్ట‌మ్ రూమ్‌లో లిక్క‌ర్ పార్టీ.. వీడియో వైర‌ల్ కావ‌డంతో డాక్ట‌ర్ స‌స్పెన్ష‌న్

Post-Mortem Room: పోస్టుమార్ట‌మ్ రూమ్‌లోనే ఓ డాక్ట‌ర్ మ‌ద్యం సేవించాడు. ఆ ఘ‌ట‌న‌కు చెందిన వీడియో వైరల్ కావ‌డంతో అత‌న్ని విధుల నుంచి త‌ప్పించారు. పింప్రి-చించ్‌వాడ మున్సిప‌ల్ కార్పొరేష‌న్ ప‌రిధిలోని య‌శ్వంత్‌రావు చౌహాన్ మెమోరియ‌ల్ ఆస్ప‌త్రిలో ఈ ఘ‌ట‌న జ‌రిగింది.

పుణె: మ‌హారాష్ట్ర‌లో ఓ డాక్ట‌ర్ పోస్టుమార్ట‌మ్ రూమ్‌(Post-Mortem Room)లోనే మ‌ద్యం సేవించాడు. ఆ ఘ‌ట‌న‌కు చెందిన వీడియో వైరల్ కావ‌డంతో అత‌న్ని విధుల నుంచి త‌ప్పించారు. పింప్రి-చించ్‌వాడ మున్సిప‌ల్ కార్పొరేష‌న్ ప‌రిధిలోని య‌శ్వంత్‌రావు చౌహాన్ మెమోరియ‌ల్ ఆస్ప‌త్రిలో ఈ ఘ‌ట‌న జ‌రిగింది. ఈ ఘ‌ట‌న‌లో డాక్ట‌ర్ వైభ‌వ్ అవినాశ్ మాస్కేను త‌క్ష‌ణ‌మే స‌స్పెండ్ చేశారు. శాఖాప‌ర‌మైన ద‌ర్యాప్తున‌కు ఆదేశించారు. గుర‌వారం రాత్రి ఓ వ్య‌క్తి డెత్ స‌ర్టిఫికేట్ తీసుకునేందుకు ఆస్ప‌త్రికి వెళ్లారు. అయితే పోస్టుమార్టమ్ రూంలో డాక్ట‌ర్ మ‌ద్యం మ‌త్తులో ఉన్న‌ట్లు గమనించాడు. ఈ ఘ‌ట‌న‌కు చెందిన వీడియో సోష‌ల్ మీడియాలో వైర‌ల్ అయ్యింది. పోస్టుమార్ట‌మ్‌లో రూమ్‌లో ఉన్న టేబుల్‌పై ఫుడ్‌, బాటిళ్లు ప‌డి ఉన్నాయి. అద‌న‌పు క‌మీష‌న‌ర్ కుల్దీప్ జంగ‌మ్ ఆ ఆస్ప‌త్రి డాక్ట‌ర్‌కు నోటీసు జారీ చేవారు. రాత్రి వ‌ర‌కు రాత‌పూర్వ‌క వివ‌ర‌ణ ఇవ్వాల‌న్నారు. డాక్ట‌ర్‌ను విధుల నుంచి తొల‌గిస్తూ మున్సిప‌ల్ క‌మీష‌న‌ర్ విజ‌య్ సూర్య‌వంశీ స‌స్పెన్ష‌న్ ఆదేశాలు ఇచ్చారు. 15 రోజుల్లోగా డాక్ట‌ర్‌పై ఛార్జ్‌షీట్ దాఖ‌లు చేయ‌నున్నారు.