వార్‌ ఎఫెక్ట్‌.. డైట్‌ కోక్‌కు కొరత

ఇరాన్‌ యుద్ధం చమురు సంక్షోభాన్నే కాదు, డైట్‌ కోక్‌ అమ్మకాలపైనా ప్రభావం చూపింది. యుద్ధ పరిస్థితులు గల్ఫ్‌ దేశాల్లో అల్యూమినియం క్యాన్ల కొరతకు దారితీసింది.

న్యూఢిల్లీ, ఏప్రిల్‌ 22: ఇరాన్‌ యుద్ధం చమురు సంక్షోభాన్నే కాదు, డైట్‌ కోక్‌ అమ్మకాలపైనా ప్రభావం చూపింది. యుద్ధ పరిస్థితులు గల్ఫ్‌ దేశాల్లో అల్యూమినియం క్యాన్ల కొరతకు దారితీసింది. ఇది భారత్‌లో డైట్‌ కోక్‌ అమ్మకాలను దెబ్బతీసింది. మనదేశంలో సాఫ్ట్‌ డ్రింక్స్‌ను ప్లాస్టిక్‌ బాటిల్స్‌లో అమ్ముతున్నా, డైట్‌ కోక్‌ మాత్రం ఇప్పటికీ అల్యూమినియం క్యాన్లలోనే సరఫరా చేస్తున్నారు.

యుద్ధం కారణంగా క్యాన్ల కొరత వల్ల సరఫరాలను ‘రేషనింగ్‌’ చేశారని, కొన్ని ఆర్డర్లను నెరవేర్చటం లేదని కోకా-కోలా పంపిణీదారులు ఇద్దరు ‘రాయిటర్స్‌’తో పేర్కొన్నారు. ప్రపంచవ్యాప్తంగా తయారయ్యే మొత్తం అల్యూమినియంలో 9 శాతం గల్ఫ్‌ దేశాల నుంచే వస్తున్నది. హొర్ముజ్‌ జలసంధిని ఇరాన్‌ మూసివేయటంతో గల్ఫ్‌ నుంచి అల్యూమినియం సరఫరా నిలిచిపోయింది.