వాయు కాలుష్య నివారణలో అట్టడుగున భారత్‌

ప్రపంచ వాతావరణ, ఆరోగ్య కూటమి(జీసీహెచ్‌ఏ) తాజాగా విడుదల చేసిన ఆరోగ్యకరమైన జాతీయ నిర్ణీత సహకారం(ఎన్‌డీసీ) స్కోర్‌బోర్డ్‌ ప్రకారం భారత్‌ తన జాతీయ వాతావరణ ప్రణాళికలో ఆరోగ్యాన్ని పరిగణనలోకి తీసుకోవడంలో విఫలమైంది.

న్యూఢిల్లీ : ప్రపంచ వాతావరణ, ఆరోగ్య కూటమి(జీసీహెచ్‌ఏ) తాజాగా విడుదల చేసిన ఆరోగ్యకరమైన జాతీయ నిర్ణీత సహకారం(ఎన్‌డీసీ) స్కోర్‌బోర్డ్‌ ప్రకారం భారత్‌ తన జాతీయ వాతావరణ ప్రణాళికలో ఆరోగ్యాన్ని పరిగణనలోకి తీసుకోవడంలో విఫలమైంది. ఈ సంవత్సరానికి సంబంధించిన మదింపులో భారత్‌ 32కు గాను కేవలం 2 పాయింట్లు మాత్రమే సాధించి అట్టడుగు స్థానంలో నిలిచింది.

ఈ నివేదిక ప్రకారం భారత్‌ ఉద్గారాల లక్ష్యాలు పారిస్‌ ఒప్పందానికి అనుగుణంగా లేవు. అవి మానవ ఆరోగ్యానికి ప్రమాదకరంగా మారే అవకాశం ఉంది. భారత్‌పై వాయు కాలుష్యం కారణంగా సంభవించే మరణాల భారం చాలా ఎక్కువగా ఉంది. అయినా భారత్‌ ఈ విషయాన్ని తన ఎన్‌డీసీ ప్రణాళికలో పేర్కొనలేదు.