PM Modi | ప్ర‌ధాని మోదీకి బెల్జియం ప్ర‌ధాని ఇవ్వాల‌నుకున్న గిఫ్ట్ ఇదే..!

PM Modi | భారత ప్రధాని (Prime Minister) నరేంద్ర మోదీ (Narendra Modi) కోసం బెల్జియం ప్రధాని (Belgium Prime Minister) బార్ట్‌ డి వెవర్‌ (Bart De Wever) ప్రత్యేకంగా ‘ఇండియా గేట్‌ (India Gate)’ ఆకృతిలో ఉన్న చాక్లెట్‌ను తయారు చేయించారు. అయితే అది భారత్‌కు తీసుకొచ్చే క్ర‌మంలో మార్గమధ్యలోనే కరిగిపోయి పాడైంది.

PM Modi : భారత ప్రధాని (Prime Minister) నరేంద్ర మోదీ (Narendra Modi) కోసం బెల్జియం ప్రధాని (Belgium Prime Minister) బార్ట్‌ డి వెవర్‌ (Bart De Wever) ప్రత్యేకంగా ‘ఇండియా గేట్‌ (India Gate)’ ఆకృతిలో ఉన్న చాక్లెట్‌ను తయారు చేయించారు. అయితే అది భారత్‌కు తీసుకొచ్చే క్ర‌మంలో మార్గమధ్యలోనే కరిగిపోయి పాడైంది. దాంతో బెల్జియం ప్ర‌ధాని ఆ చాక్లెట్‌ను ప్ర‌ధానికి ఇవ్వ‌లేక‌పోయారు.

ఈ క్రమంలో భారత్‌లో బెల్జియం (Belgium) దౌత్యకార్యాలయం తాము తయారు చేయించిన ‘ఇండియా గేట్‌ చాక్లెట్‌’ చిత్రాన్ని ఎక్స్‌ వేదికగా పంచుకుంది. భారత్‌ పర్యటన సందర్భంగా మోదీకి ఈ వినూత్న కానుకను అందించాలని వెవర్‌ భావించారు. అయితే భారత్‌కు తీసుకొస్తుండగా కరిగిపోవడంతో అందించలేకపోయారు. మరో ప్రతిరూపం బెల్జియంలో సిద్ధంగా ఉందని, దానిని ఎలాగైనా సురక్షితంగా మోదీకి అందిస్తానని ఆయన చెప్పారు.

‘ఇండియా గేట్‌ను అత్యుత్తమ బెల్జియం చాక్లెట్లతో రూపొందించి మోదీకి కానుకగా ఇవ్వాలని అనుకున్నా. అసలైన ఇండియా గేట్‌ చెక్కు చెదరకుండా ఉంది. కానీ చాక్లెట్‌తో చేసిన ప్రతిరూపం భారత్‌కు చేరుకునేలోపే పాడైంది’ అంటూ వెవర్‌ సరదాగా వ్యాఖ్యానించారు. తొలి ప్రపంచ యుద్ధ సమయంలో బెల్జియంలో పోరాడిన భారత సైనికుల త్యాగానికి గుర్తుగా ఇండియా గేట్‌ను నిర్మించారు.