నేడు సీఈసీపై ‘ప్రజా అభిశంసన’

భారత ప్రధాన ఎన్నికల కమిషనర్‌ జ్ఞానేశ్‌కుమార్‌పై ఈనెల 30న ఇండియా కూటమి నిర్వహించబోయే ‘ప్రజా అభిశంసన’ కార్యక్రమానికి లోక్‌సభ మాజీ స్పీకర్‌ మీరా కుమార్‌ అధ్యక్షత వహించనున్నారు.

న్యూఢిల్లీ, అక్టోబర్‌ 29: భారత ప్రధాన ఎన్నికల కమిషనర్‌ జ్ఞానేశ్‌కుమార్‌పై ఈనెల 30న ఇండియా కూటమి నిర్వహించబోయే ‘ప్రజా అభిశంసన’ కార్యక్రమానికి లోక్‌సభ మాజీ స్పీకర్‌ మీరా కుమార్‌ అధ్యక్షత వహించనున్నారు. ఏఐసీసీ అధ్యక్షుడు మల్లికార్జున ఖర్గే ఈ కార్యక్రమాన్ని ప్రారంభించనుండగా, పార్టీ మాజీ అధ్యక్షుడు రాహుల్‌ గాంధీ తీర్మానం ఆమోదించడానికి ముందు ముగింపు ప్రసంగం చేస్తారని పార్టీ వర్గాలు తెలిపాయి.

దేశంలో జరిగే ఓటు చోరీ అరాచకాన్ని ప్రజలకు వివరించేందుకు చేపట్టిన ఈ ప్రజా అభిశంసన కార్యక్రమాన్ని ఎలా నిర్వహించాలనే దానిపై నేతలు ఖర్గే నివాసంలో సమావేశమై ఒక కార్యాచరణను రూపొందించారు. ఈ సమావేశంలో కాంగ్రెస్‌ ప్రధాన కార్యదర్శులు ప్రియాంక గాంధీ, జైరాం రమేశ్‌, కేసీ వేణుగోపాల్‌, టీఎంసీ నేత ఒబ్రెయిన్‌ తదితరులు పాల్గొన్నారు.