న్యూఢిల్లీ : ఎంతో డబ్బు వెచ్చించి కొనుగోలు చేసే ఆహార పదార్ధాల్లో పురుగులు రావడం ఎవరికైనా చేదు అనుభవమే. విస్తారా ఫ్లైట్లో ఓ ప్రయాణీకుడికి ఇలాంటి అనుభవమే ఎదురైంది. తనకు అందించిన ప్రీ ప్యాక్డ్ ఫుడ్లో బొద్దింకను చూసి నికుల్ సోలంకి అనే ప్రయాణీకుడు షాక్ తిన్నాడు.
Small cockroach in air Vistara meal pic.twitter.com/ebrIyszhvV
— NIKUL SOLANKI (@manikul008) October 14, 2022
ఆహారం సగం తిన్న తర్వాత అందులో ఉన్న బొద్దింకను గుర్తించాడు. తనకు ఎదురైన అనుభవాన్ని సోలంకి ట్విట్టర్లో షేర్ చేయడంతో పాటు ఎయిర్లైన్స్ను ట్యాగ్ చేశాడు. ట్వీట్ను గుర్తించిన ఎయిర్లైన్స్ సోలంకికి బదులిచ్చింది.
తాము అత్యధిక నాణ్యతా ప్రమాణాలతో కూడిన ఆహారాన్ని సిద్ధం చేస్తామని పేర్కొంది. మీ విమాన వివరాలను పంపితే తాము ఈ అంశంపై దృష్టిసారించి వీలైనంత త్వరగా పరిస్ధితి చక్కదిద్దుతామని పేర్కొంది. విస్తారా సర్వీస్ పట్ల అసంతృప్తి వ్యక్తం చేసిన నెటిజన్లు విమానాలు లేదా ట్రైన్లలో ఆహారంలో పురుగులు రావడం సర్వసాధారణంగా మారిందని కామెంట్ సెక్షన్లో రాసుకొచ్చారు.