హెచ్‌ఐవీకి త్వరలో టీకా!

ఎయిడ్స్‌ వ్యాధికి దారి తీసే హెచ్‌ఐవీ వైరస్‌ను నయం చేసే టీకాను అభివృద్ధి చేసినట్లు హాంకాంగ్‌లోని బయోటెక్‌ స్టార్టప్‌ కంపెనీ ఇమ్యునో క్యూర్‌ ప్రకటించింది.

న్యూఢిల్లీ: ఎయిడ్స్‌ వ్యాధికి దారి తీసే హెచ్‌ఐవీ వైరస్‌ను నయం చేసే టీకాను అభివృద్ధి చేసినట్లు హాంకాంగ్‌లోని బయోటెక్‌ స్టార్టప్‌ కంపెనీ ఇమ్యునో క్యూర్‌ ప్రకటించింది. ఇటీవలి క్లినికల్‌ ట్రయల్స్‌లో సత్ఫలితాలు కనిపించాయని, ఈ టీకాను రోగులకు ఇవ్వడానికి మరో ముందడుగు పడిందని తెలిపింది. షెంజెన్‌ థర్డ్‌ పీపుల్స్‌ హాస్పిటల్‌లో 45 మంది రోగులపై ఈ పరీక్షలు జరిగినట్లు వివరించింది.

సంప్రదాయ టీకాలు రోగ నిరోధకంగా ఉపయోగపడతాయని, తాము థెరప్యూటిక్‌ వ్యాక్సిన్‌ను అభివృద్ధి చేశామని చెప్పింది. ఇన్ఫెక్షన్‌ సోకిన తర్వాత థెరప్యూటిక్‌ వ్యాక్సిన్‌ను ఇచ్చి, రోగాన్ని నయం చేయవచ్చునని వెల్లడించింది. తమ వ్యాక్సిన్‌ను తీసుకున్నవారిలో అత్యధికులకు టీ-సెల్స్‌ (తెల్ల రక్త కణాలు) స్పందనలు రెట్టింపు అయ్యాయని తెలిపింది.