Himachal Pradesh | మ‌రో 24 గంట‌లు భారీ వ‌ర్షాలు.. ఇండ్ల‌కే ప‌రిమితం కావాల‌న్న హిమాచ‌ల్ సీఎం

Himachal Pradesh | న్యూఢిల్లీ : హిమాచ‌ల్ ప్ర‌దేశ్ రాష్ట్రాన్ని వ‌ర్షాలు ముంచెత్తుతున్నాయి. కొండ‌చ‌రియ‌లు విరిగిప‌డడంతో ప‌లు ఇండ్లు ధ్వంస‌మ‌య్యాయి. భారీ వ‌ర్షాల నేప‌థ్యంలో హిమాచ‌ల్‌లోని ప‌లు ప్రాంతాలు జ‌ల‌మ‌యం అయ్యాయి. మ‌రో 24 గంట‌ల పాటు భారీ వ‌ర్షాలు కురిసే అవ‌కాశం ఉంద‌ని భార‌త వాతావ‌ర‌ణ శాఖ హెచ్చ‌రించింది.

Himachal Pradesh | న్యూఢిల్లీ : హిమాచ‌ల్ ప్ర‌దేశ్ రాష్ట్రాన్ని వ‌ర్షాలు ముంచెత్తుతున్నాయి. కొండ‌చ‌రియ‌లు విరిగిప‌డడంతో ప‌లు ఇండ్లు ధ్వంస‌మ‌య్యాయి. భారీ వ‌ర్షాల నేప‌థ్యంలో హిమాచ‌ల్‌లోని ప‌లు ప్రాంతాలు జ‌ల‌మ‌యం అయ్యాయి. మ‌రో 24 గంట‌ల పాటు భారీ వ‌ర్షాలు కురిసే అవ‌కాశం ఉంద‌ని భార‌త వాతావ‌ర‌ణ శాఖ హెచ్చ‌రించింది. దీంతో హిమాచ‌ల్ ప్ర‌దేశ్ అధికార యంత్రాంగాన్ని ఆ రాష్ట్ర ముఖ్య‌మంత్రి సుఖ్‌వింద‌ర్ సింగ్ అప్ర‌మ‌త్తం చేశారు. అధికారులంద‌రూ అల‌ర్ట్‌గా ఉండాల‌ని సూచించారు.

భారీ వ‌ర్షాలు కురిసే అవ‌కాశం ఉన్నందున ప్ర‌జ‌లు త‌మ ఇండ్ల‌కే ప‌రిమితం కావాల‌ని, అత్య‌వ‌స‌ర‌మైతేనే బ‌య‌ట‌కు రావాల‌ని సూచించారు. అధికారుల‌కు, పోలీసుల‌కు స్థానికులు స‌హ‌క‌రించాల‌ని కోరారు. మూడు హెల్ప్ లైన్ నంబ‌ర్ల‌ను ఏర్పాటు చేశారు. అత్య‌వ‌స‌ర ప‌రిస్థితుల్లో 1100, 1070, 1077 నంబ‌ర్ల‌కు కాల్ చేయాల‌ని సూచించారు. ఈ నంబ‌ర్లు 24 గంట‌లు అందుబాటులో ఉంటాయ‌న్నారు. ప్ర‌స్తుతం హిమాచ‌ల్ ప్ర‌దేశ్‌లో 10 నుంచి 13 జిల్లాల్లో రెడ్ అల‌ర్ట్ కొన‌సాగుతుంది. ఇప్ప‌టి వ‌ర‌కు రాష్ట్ర వ్యాప్తంగా 14 మంది మ‌ర‌ణించిన‌ట్లు సీఎం పేర్కొన్నారు. బాధితుల‌కు పున‌రావాస కేంద్రాలు ఏర్పాటు చేసి, సౌక‌ర్యాలు క‌ల్పించాల‌ని అధికారుల‌ను సీఎం సింగ్ ఆదేశించారు.

*****सभी प्रदेशवासियों से नदी-नालों के निकट न जाने की अपील*****#WeatherAlert#HeavyRainfallAlert#StaySafe#Stay_Away_from_Water_Bodies pic.twitter.com/WTRxMIXMLn

— Sukhvinder Singh Sukhu (@SukhuSukhvinder) July 9, 2023