యాపిల్ లోడుతో వెళ్తూ లోయ‌లోప‌డ్డ లారీ.. డ్రైవ‌ర్ దుర్మ‌ర‌ణం

Road accident: హిమాచల్‌ప్ర‌దేశ్ రాష్ట్రం సోల‌న్‌ జిల్లాలోని కందఘాట్ ద‌గ్గ‌ర‌ ఘోర రోడ్డు ప్ర‌మాదం జ‌రిగింది. యాపిల్ లోడుతో వెళ్తున్న లారీ

స‌లోన్‌: హిమాచల్‌ప్ర‌దేశ్ రాష్ట్రం సోల‌న్‌ జిల్లాలోని కందఘాట్ ద‌గ్గ‌ర‌ ఘోర రోడ్డు ప్ర‌మాదం జ‌రిగింది. యాపిల్ లోడుతో వెళ్తున్న లారీ అదుపుత‌ప్పి లోయ‌లో ప‌డిపోయింది. రోడ్డుపై నుంచి లోయ‌లోకి దూసుకెళ్లిన లారీ ప‌లు ప‌ల్టీలు కొడుతూ కింద‌కు వెళ్లి ఆగిపోయింది. ఈ ప్ర‌మాదంలో లారీ డ్రైవ‌ర్ అక్క‌డిక‌క్క‌డే ప్రాణాలు కోల్పోయాడు.

లారీ బ‌రువుతో ఉండ‌టం, అనేక ప‌ల్టీలు కొట్ట‌డం కార‌ణంగా క్యాబిన్ పూర్తిగా నుజ్జు నుజ్జ‌య్యింది. ప్ర‌మాద‌ స‌మాచారం అందుకున్న పోలీసులు వెంట‌నే అక్క‌డికి చేరుకుని.. డ్రైవ‌ర్ మృత‌దేహాన్ని వెలికి తీశారు. అనంత‌రం పోస్టుమార్టానికి త‌ర‌లించారు. ఘ‌ట‌న‌పై కేసు న‌మోదు చేసి ద‌ర్యాప్తు చేప‌ట్టారు.