Helmet gift | కుమార్తె పెళ్లిలో అతిథులకు రిటర్న్‌ గిఫ్టులుగా హెల్మెట్‌లు.. ఎందుకో తెలుసా..?

Helmet gift | ఛత్తీస్‌గఢ్‌ రాష్ట్రం కోర్బా నగరంలోని ముదాపర్‌ ఏరియాకు చెందిన సేద్‌ యాదవ్‌ అనే వ్యక్తి తన కుమార్తె పెళ్లిని.. రోడ్డు భద్రతపై జనంలో అవగాహన కల్పించేందుకు చిక్కిన చక్కని అవకాశంగా వినియోగించుకున్నారు. పెళ్లికి వచ్చిన అతిథులకు ఆయన హెల్మెట్‌లు, స్వీట్లను రిటర్న్‌ గిఫ్టులుగా ఇచ్చారు.

Helmet gift: ఛత్తీస్‌గఢ్‌ రాష్ట్రం కోర్బా నగరంలోని ముదాపర్‌ ఏరియాకు చెందిన సేద్‌ యాదవ్‌ అనే వ్యక్తి తన కుమార్తె పెళ్లిని.. రోడ్డు భద్రతపై జనంలో అవగాహన కల్పించేందుకు చిక్కిన చక్కని అవకాశంగా వినియోగించుకున్నారు. పెళ్లికి వచ్చిన అతిథులకు ఆయన హెల్మెట్‌లు, స్వీట్లను రిటర్న్‌ గిఫ్టులుగా ఇచ్చారు. రోడ్‌ సేఫ్టీపై జనంలో అవగాహన కల్పించేందుకే తాను ఈ నిర్ణయం తీసుకున్నానని సేద్‌ యాదవ్‌ చెప్పారు.

వివరాల్లోకి వెళ్తే.. సేద్‌ యాదవ్‌ కుమార్తె నీలిమ స్పోర్ట్స్‌ టీచర్‌గా పనిచేస్తోంది. ఇటీవల ఆమెకు సరాన్‌గఢ్‌-బిలాయ్‌గఢ్‌ జిల్లా లంకహుడా గ్రామానికి చెందని కమ్హాన్‌ యాదవ్‌తో వివాహం నిశ్చయమైంది. అయితే తన కుమార్తె పెళ్లి సందర్భంగా సమాజానికి పనికొచ్చే ఏదైనా మంచి సందేశం ఇవ్వాలని సేదవ్‌ యాదవ్‌ నిర్ణయించుకున్నారు.

ఆ మేరకు పెళ్లికి వచ్చిన బంధుమిత్రులందరికీ సోమవారం ఆయన హెల్మెట్‌లు గిఫ్టులుగా ఇచ్చాడు. అంతేగాక వివాహ వేడుకల్లో భాగంగా సేదవ్‌ యాదవ్‌ కుటుంబసభ్యులంతా తలలకు హెల్మెట్‌లు ధరించి నృత్యాలు చేశారు. రోడ్డు భద్రతపై అవగాహన కల్పించడానికే ఇలా చేశామని యాదవ్‌ చెప్పారు. జీవితం చాలా విలువైనదని, మద్యం సేవించి వాహనాలు నడపవద్దని ఈ సందర్భంగా ఆయన అతిథులకు సూచించారు.