Gaurav Yadav: పంజాబ్ డీజీపీగా గౌర‌వ్ యాద‌వ్ నియామ‌కం

Gaurav Yadav: పంజాబ్ డీజీపీగా ఐపీఎస్ ఆఫీస‌ర్ గౌర‌వ్ యాద‌వ్‌ నియ‌మితుల‌య్యారు. 1992 బ్యాచ్ ఆఫీస‌ర్ ఆయ‌న‌. రెండేళ్ల కాల‌ప‌రిమితితో ఆయ‌న్ను నియ‌మించారు. ఈ నేప‌థ్యంలో పంజాబ్ స‌ర్కారు శుక్ర‌వారం ఆదేశాలు జారీ చేసింది.

చండీఘ‌డ్‌: ఐపీఎస్ ఆఫీస‌ర్ గౌర‌వ్ యాద‌వ్‌(Gaurav Yadav).. పంజాబ్ డీజీపీగా నియ‌మితుల‌య్యారు. 1992 బ్యాచ్ ఆఫీస‌ర్ ఆయ‌న‌. రెండేళ్ల ప‌ద‌వీకాలంతో ఆయ‌న్ను నియ‌మించారు. ఈ నేప‌థ్యంలో పంజాబ్ స‌ర్కారు శుక్ర‌వారం ఆదేశాలు జారీ చేసింది. డీజీపీగా గౌర‌వ్ యాద‌వ్‌ను నియ‌మిస్తూ సీఎం భ‌గ‌వంత్ మాన్ అప్రూవ్ చేశారు. యూపీఎస్సీ ప్యానెల్‌లో ఉన్న ముగ్గురు ఐపీఎస్ ఆఫీస‌ర్ల నుంచి గౌర‌వ్ యాద‌వ్‌ను సెలెక్ట్ చేశారు. ఆ ప్యానెల్‌లో డాక్ట‌ర్ శ‌ర‌ద్ స‌త్య చౌహాన్‌, హ‌ర్‌ప్రీత్ సింగ్ సిద్దు ఉన్నారు. ముగ్గురు పేర్ల‌ను సూచిస్తూ జూలై ఒక‌టో తేదీన యూపీఎస్సీ పంజాబ్ స‌ర్కారుకు లేఖ రాసింది. గౌర‌వ్ యాద‌వ్ 1969, ఏప్రిల్ 16న జ‌న్మించారు. బాధ్య‌త‌లు తీసుకున్న నాటి నుంచి క‌నీసం రెండేళ్ల పాటు ఆయ‌న ప‌ద‌విలో కొన‌సాగుతారు. డీజేపీ నియామ‌క లేఖ ఆదేశాల‌పై హోంశాఖ అద‌న‌పు ముఖ్య కార్య‌ద‌ర్శి అలోక్ శేఖ‌ర్ సంత‌కం ఉన్న‌ది.