Monkeys Fight Halts Trains | రైల్వే స్టేషన్‌లో కోతులు ఫైట్‌.. ఆగిన పలు రైళ్లు

Monkeys Fight Halts Trains | రైల్వే స్టేషన్‌లోని ప్లాట్‌ఫారమ్‌పై రెండు కోతుల మధ్య ఫైట్‌ జరిగింది. రబ్బరు వంటి వస్తువును ఒక కోతి విసిరేసింది. విద్యుత్‌ ఓవర్ హెడ్ వైర్‌ను అది తాకింది. షార్ట్ సర్క్యూట్ కావడంతో పలు రైళ్లు ఆగిపోయాయి.

పాట్నా: రైల్వే స్టేషన్‌లోని ప్లాట్‌ఫారమ్‌పై రెండు కోతుల మధ్య ఫైట్‌ జరిగింది. రబ్బరు వంటి వస్తువును ఒక కోతి విసిరేసింది. విద్యుత్‌ ఓవర్ హెడ్ వైర్‌ను అది తాకింది. షార్ట్ సర్క్యూట్ కావడంతో పలు రైళ్లు ఆగిపోయాయి. (Monkeys Fight Halts Trains) బీహార్‌లోని సమస్తిపూర్‌లో ఈ సంఘటన జరిగింది. శనివారం సమస్తిపూర్ జంక్షన్ రైల్వే స్టేషన్‌లోని ప్లాట్‌ఫారమ్ నంబర్ 4 సమీపంలో అరటిపండు కోసం రెండు కోతులు కోట్లాడుకున్నాయి. వాటిలో ఒక కోతి రబ్బరు వంటి వస్తువును మరో కోతిపైకి విసిరింది. అయితే ఆ వస్తువు ఓవర్ హెడ్ వైర్‌ను తాకడంతో షార్ట్ సర్క్యూట్ అయ్యింది. దీంతో విద్యుత్‌ వైరు తెగి రైలు బోగిపై పడింది. ఈ నేపథ్యంలో రైల్వే సిబ్బంది మరమ్మతులు చేశారు.

కాగా, ఈ సంఘటన వల్ల ప్లాట్‌ఫారమ్ నంబర్ 4పై నిలిచి ఉన్న సంపర్క్ క్రాంతి ఎక్స్‌ప్రెస్ సుమారు 15 నిమిషాలు ఆలస్యంగా బయలుదేరింది. అలాగే పలు రైళ్ల రాకపోకలకు అంతరాయం ఏర్పడింది. దీంతో ప్రయాణికులు అసౌకర్యానికి గురయ్యారు.