ఆలుగడ్డ ఆకారంలో గ్రహం

లండన్‌: ఆలుగడ్డ లేదా కోడిగుడ్డును పోలి దీర్ఘ వృత్తాకారంలో ఉన్న ఓ గ్రహాన్ని యూరోపియన్‌ స్పేస్‌ ఏజెన్సీ శాస్త్రవేత్తలు గుర్తించారు. దీనికి డబ్ల్యూఏఎస్పీ-103బీ అని పేరు పెట్టారు. ఇది హెర్క్యులస్‌ నక్షత్ర మండలంలో ఉందని చెప్పారు. ఇప్పటివరకు గుర్తించిన ఖగోళ రాసులన్నీ వృత్తాకారంలోనే ఉండగా ఈ గ్రహం దీర్ఘ వృత్తాకారంలో ఉండటం శాస్త్రవేత్తలను ఆశ్చర్యానికి గురిచేస్తున్నది. నక్షత్రం గ్రహం చుట్టూ తిరిగే వేగం, నక్షత్రం గురుత్వాకర్షణ బలాలే గ్రహానికి ఈ ఆకారాన్ని తీసుకువచ్చాయని శాస్త్రవేత్తలు భావిస్తున్నారు. వాస్తవానికి ఈ గ్రహాన్ని 2014లోనే గుర్తించారు. అయితే టెలిస్కోపుల సాయంతో దాని ఆకారాన్ని తాజాగా ధ్రువీకరించారు.