పుణె హోటల్‌లో డ్రగ్స్‌ పార్టీ!

పుణెలో మాదక ద్రవ్యాల వాడకం విచ్చలవిడిగా సాగుతున్న తీరు మరోసారి బయటపడింది. నగరంలోని ఫెర్గ్యూసన్‌ రోడ్‌లోని ఓ హోటల్‌ వాష్‌రూమ్‌లో ఇద్దరు యువకులు డ్రగ్స్‌ తీసుకుంటున్న వీడియో వైరలైంది.

ముంబై, జూన్‌ 23: పుణెలో మాదక ద్రవ్యాల వాడకం విచ్చలవిడిగా సాగుతున్న తీరు మరోసారి బయటపడింది. నగరంలోని ఫెర్గ్యూసన్‌ రోడ్‌లోని ఓ హోటల్‌ వాష్‌రూమ్‌లో ఇద్దరు యువకులు డ్రగ్స్‌ తీసుకుంటున్న వీడియో వైరలైంది. దీనిపై విపక్షాలు ఆగ్రహం వ్యక్తం చేస్తున్నాయి. రాష్ట్రంలో శాంతిభద్రతలు ఉన్నాయా? అన్న సందేహాన్ని వ్యక్తం చేశాయి. శివాజీనగర్‌లో ఓ పబ్‌ తెల్లవారుజాము 5 గంటల వరకు తెరిచి ఉంటున్నదని, మైనర్‌ బాలురు డ్రగ్స్‌ తీసుకుంటున్న వీడియోలు బయటకు వస్తున్నా, ఎక్సైజ్‌ అధికారుల కండ్లకు కనిపిస్తలేదా?, అవినీతి అధికారుల్ని ఎవరు రక్షిస్తున్నారంటూ విపక్షాలు ప్రశ్నిస్తున్నాయి. ఇటీవల పుణెలో జరిగిన కారు ప్రమాద ఘటన దేశవ్యాప్తంగా సంచలనం రేపింది.