Viral Video: 4వేల డాల‌ర్ల క‌రెన్సీ నోట్ల‌ను న‌మిలేసిన‌ శున‌కం.. వీడియో

Viral Video: ఓ శున‌కం 4వేల డాల‌ర్ల క‌రెన్సీ నోట్ల‌ను న‌మిలేసింది. అమెరికాలోని పెన్సిల్వేనియాలో ఈ ఘ‌ట‌న జ‌రిగింది. డ‌బ్బుతో ఉన్న ఎన్విలాప్‌ను కిచెన్‌లో పెట్టిన య‌జ‌మాని అనుకోని రీతిలో షాక్ అయ్యాడు. ఫెన్సింగ్ ప‌ని కోసం తెచ్చిన డ‌బ్బును ఆ కుక్క ముక్క‌లు ముక్క‌లుగా న‌మిలింది.

చండీఘ‌డ్‌: 4వేల డాల‌ర్లు అంటే అక్ష‌రాల 3.32 ల‌క్ష‌లు. అంత మొత్తానికి చెందిన క‌రెన్సీ నోట్లను ఓ శున‌కం న‌మిలేసింది. అమెరికాలోని పెన్షిల్వేనియాలో ఈ ఘ‌ట‌న జ‌రిగింది. ఆ ఘ‌ట‌న‌కు చెందిన వీడియో ఒక‌టి వైర‌ల్(Viral Video) అవుతోంది. ఓ ప‌ని కోసం తెచ్చిన న‌గ‌దు డ‌బ్బును కుక్క న‌మిలి మింగ‌డంతో ఆ కుటుంబం టెన్ష‌న్‌కు లోనైంది. పిట్స్‌బ‌ర్గ్‌లోని ఇంట్లో 4వేల డాల‌ర్ల న‌గ‌దు ఉన్న ఎన్విలాప్‌ను కిచెన్ షెల్ఫ్‌పై పెట్టాన‌ని క్లేట‌న్ లా తెలిపాడు. అయితే త‌మ ఇంట్లో ఉన్న శున‌కం ఆ మొత్తాన్ని న‌మిలిన‌ట్లు అత‌ను చెప్పాడు. ముక్క‌లైన డ‌బ్బు నోట్లు అన్నీ చెల్లాచెదురుగా ప‌డిపోయాయి. ఇంటికి ఫెన్సింగ్ చేయించేందుకు తెచ్చిన డ‌బ్బును కుక్క న‌మిలేసింది. ఎప్పుడూ ఏదీ ముట్ట‌ని ఆ కుక్క ఒక్క‌సారిగా అంత డ‌బ్బును ముక్క‌లుగా న‌మిలింద‌ని క్లేట‌న్ లా చెప్పాడు. న‌మిలి ఉంచిన ఆ నోట్ల ముక్క‌ల‌ను సేక‌రించిన‌ట్లు క్లేట‌న్ దంప‌తులు తెలిపారు. అయితే కేవ‌లం 450 డాల‌ర్లు మాత్ర‌మే మిస్సైన‌ట్లు వాళ్లు చెప్పారు. చిరిగిన నోట్ల గురించి ఆ జంట బ్యాంకుకు వెళ్లింది. నోట్ల‌పై నెంబ‌ర్ క‌నిపిస్తే , ఆ నోట్ల‌ను తీసుకుంటామ‌ని బ్యాంక‌ర్లు తెలిపారు.

 

View this post on Instagram

 

A post shared by Carrie Law (@ooolalaw)