Robert Vadra | కాంగ్రెస్ పీఎం అభ్యర్థిగా ప్రియాంక.. రాబర్ట్‌ వాద్రా ఏమన్నారంటే..!

Robert Vadra | కాంగ్రెస్‌ పార్టీ (Congress party) తరఫున ప్రధానమంత్రి అభ్యర్థి (PM Face) గా ప్రియాంకాగాంధీ (Priyanka Gandhi) ని ఎన్నుకోవాలని ఈ మధ్య ఆ పార్టీకి చెందిన కొందరు నేతలు తమ అభిప్రాయాలు వ్యక్తంచేస్తున్నారు.

Robert Vadra : కాంగ్రెస్‌ పార్టీ (Congress party) తరఫున ప్రధానమంత్రి అభ్యర్థి (PM Face) గా ప్రియాంకాగాంధీ (Priyanka Gandhi) ని ఎన్నుకోవాలని ఈ మధ్య ఆ పార్టీకి చెందిన కొందరు నేతలు తమ అభిప్రాయాలు వ్యక్తంచేస్తున్నారు. తాజాగా కాంగ్రెస్‌ ఎంపీ ఇమ్రాన్‌ మసూద్‌ కూడా ఇదే అభిప్రాయాన్ని వెల్లడించారు. అయితే ఈ వ్యాఖ్యలపై ప్రియాంకాగాంధీ భర్త రాబర్ట్‌ వాద్రా (Robert Vadra) స్పందించారు.

పార్టీ కార్యకర్తలంతా తమ సతీమణి ప్రధాని కావాలని కోరుకుంటున్నారని, చాలా చోట్ల నుంచి ఇలాంటి డిమాండ్లు వస్తూనే ఉన్నాయని అన్నారు. రాజకీయాల్లో ప్రియాంక ముందడుగు వేయాలని, నేను కూడా రాజకీయాల్లోకి రావాలని చాలామంది కోరుకుంటున్నారని చెప్పారు. కానీ ప్రస్తుతం ప్రియాంక దృష్టి అంతా ప్రజా సమస్యలపైనే ఉందని అన్నారు.

కాగా ప్రియాంకా గాంధీని ప్రధాని అభ్యర్థిగా ఎన్నుకుంటే ఆమె తన నాన్నమ్మ ఇందిరాగాంధీలా ప్రజాదరణ పొందుతారని తాజా ఎంపీ ఇమ్రాన్‌ మసూద్‌ అభిప్రాయపడ్డారు. శత్రుదేశాలకు ఆమె తగిన బుద్ధి చెబుతారన్నారు. రాహుల్‌గాంధీ గురించి మీడియా ప్రశ్నించగా.. రాహుల్‌గాంధీ, ప్రియాంకాగాంధీ కలిసి పని చేస్తారని చెప్పుకొచ్చారు.