Calf Resemblance To Lion | సింహాన్ని పోలిన దూడకు జన్మనిచ్చిన ఆవు

Calf Resemblance To Lion | ఆవు ఈనిన దూడ సింహాన్ని పోలి ఉన్నది (Calf Resemblance To Lion). దాని ముఖం, శరీరం, కాళ్లు, తోక వంటివి సింహం పిల్ల మాదిరిగా ఉన్నాయి. మృగరాజు మాదిరి రూపురేఖలున్న ఆ దూడ పుట్టిన అర గంటకే చనిపోయింది. ఈ విషయం సమీప గ్రామాలకు వ్యాపించింది.

భోపాల్‌: ఒక ఆవు సింహాన్ని పోలిన దూడకు జన్మనిచ్చింది. మధ్యప్రదేశ్‌లోని రైసెన్‌ జిల్లాలో ఈ వింత సంఘటన జరిగింది. గోర్ఖా గ్రామంలో నివసించే రైతు నత్తులాల్ శిల్పాకర్‌కు చెందిన ఆవు ఇటీవల ఒక దూడను ఈనింది. అయితే ఆ దూడ సింహాన్ని పోలి ఉన్నది (Calf Resemblance To Lion). దాని ముఖం, శరీరం, కాళ్లు, తోక వంటివి సింహం పిల్ల మాదిరిగా ఉన్నాయి. మృగరాజు వంటి రూపురేఖలున్న ఆ దూడ పుట్టిన అర గంటకే చనిపోయింది. ఈ విషయం సమీప గ్రామాలకు వ్యాపించింది. దీంతో ఈ వింత దూడను చూసేందుకు పరిసర గ్రామాలకు చెందిన ప్రజలు పెద్ద సంఖ్యలో ఆ రైతు ఇంటికి తరలివచ్చారు. సింహం పిల్ల మాదిరిగా ఉన్న ఆవు దూడను చూసి ఆశ్చర్యపోయారు. దేవుడి మహిమ అంటూ కొందరు పూజలు కూడా చేశారు.

మరోవైపు జన్యుపరమైన సమస్య వల్ల ఆ దూడ అలా పుట్టినట్లు స్థానిక పశు వైద్యుడు ఎన్‌కే తివారీ తెలిపారు. పిండం సరిగా అభివృద్ధి చెందకపోవడంతో దూడ రూపు రేఖలు సింహం మాదిరిగా ఉన్నాయని చెప్పారు. అంతే తప్ప ఎలాంటి మహిమ కాదని అన్నారు. అయితే ఈ వింత దూడ ఫొటో సోషల్‌ మీడియాలో వైరల్‌ అయ్యింది.