Cop’s Son Killed | పోలీస్‌ కుమారుడ్ని కిడ్నాప్‌ చేసి హత్య.. లెటర్‌ ద్వారా రూ.50 లక్షలు డిమాండ్‌

Cop’s Son Killed | పోలీస్‌ కానిస్టేబుల్‌ కుమారుడైన 6 ఏళ్ల బాలుడ్ని కిడ్నాప్ చేసి హత్య చేశారు. ఒక లేఖ ద్వారా రూ.50 లక్షలను కిడ్నాపర్లు డిమాండ్‌ చేశారు. చివరకు చెరకు తోటలో బాలుడి మృతదేహాన్ని పోలీస్‌ కుటుంబం గుర్తించింది.

లక్నో: పోలీస్‌ కానిస్టేబుల్‌ కుమారుడైన 6 ఏళ్ల బాలుడ్ని కిడ్నాప్ చేసి హత్య చేశారు. (Cop’s Son Killed ) ఒక లేఖ ద్వారా రూ.50 లక్షలను కిడ్నాపర్లు డిమాండ్‌ చేశారు. చివరకు చెరకు తోటలో బాలుడి మృతదేహాన్ని పోలీస్‌ కుటుంబం గుర్తించింది. ఉత్తరప్రదేశ్‌లోని మీరట్‌ జిల్లాలో ఈ సంఘటన జరిగింది. పోలీస్‌ కానిస్టేబుల్‌ గోపాల్ యాదవ్, సహరాన్‌పూర్‌లో విధులు నిర్వహిస్తున్నాడు. ఆదివారం ఉదయం 8 గంటల సమయంలో ధన్‌పూర్ గ్రామంలో ఇంటి బయట ఆడుకుంటున్న అతడి ఆరేళ్ల కుమారుడు పునీత్‌ అదృశ్యమయ్యాడు. ఆ బాలుడి విడుదలకు రూ.50 లక్షలు డిమాండ్‌ చేస్తూ గోపాల్ యాదవ్‌కు ఒక లేఖ అందింది.

కాగా, కుమారుడి అదృశ్యంపై కానిస్టేబుల్‌ కుటుంబం పోలీసులకు ఫిర్యాదు చేసింది. స్థానిక మహిళ ఆ బాలుడ్ని కిడ్నాప్‌ చేసి ఉంటుందని అనుమానం వ్యక్తం చేశారు. దీంతో తొలుత ఆ మహిళను పోలీసులు  అదుపులోకి తీసుకుని ప్రశ్నించారు. అయితే గ్రామంలోని చెరకు తోటలో బాలుడి మృతదేహాన్ని కానిస్టేబుల్‌ కుటుంబం గుర్తించింది.

మరోవైపు ఉద్దేశపూర్వకంగా ఆ బాలుడ్ని హత్య చేసి ఉంటారని కానిస్టేబుల్‌ ఫ్యామిలీ ఆరోపించింది. మరో కుటుంబంతో ఉన్న భూవివాదం కారణం కావచ్చని అనుమానించింది. ఈ నేపథ్యంలో బాలుడి హత్యపై పోలీసులు కేసు నమోదు చేసి దర్యాప్తు చేస్తున్నారు. ఇద్దరు మహిళలతో సహా నలుగురు వ్యక్తులను అదుపులోకి తీసుకుని ప్రశ్నిస్తున్నట్లు పోలీస్‌ అధికారి తెలిపారు. రూ.50 లక్షలు డిమాండ్‌ చేసిన లేఖను కూడా పరిశీలిస్తున్నట్లు వెల్లడించారు.