‘ఆ ఉత్తర్వులు బీజేపీ కార్యకర్తలకు రోజ్‌గార్‌ గ్యారెంటీ’

జనగణన సిబ్బందిగా ప్రభుత్వ ఉపాధ్యాయులు, ఉద్యోగులే కాకుండా ప్రైవేట్‌ సంస్థలు, సొసైటీలు, ట్రస్టు ఉద్యోగులను కూడా నియమించవచ్చునంటూ కేంద్రం జారీచేసిన ఉత్తర్వులపై కాంగ్రెస్‌ తీవ్రంగా విమర్శలు చేసింది. ఈ చర్య వెనుక దురుద్దేశం ఉందని, ఇది ‘వేలాది మంది ఆర్‌ఎస్‌ఎస్‌/బీజేపీ కార్యకర్తలకు రోజ్‌గార్‌ గ్యారెంటీ యోజన పథకం’ లాంటిదని కాంగ్రెస్‌ ప్రధాన కార్యదర్శి జైరాం రమేశ్‌ ఆరోపించారు.

న్యూఢిల్లీ, అక్టోబర్‌ 17: జనగణన సిబ్బందిగా ప్రభుత్వ ఉపాధ్యాయులు, ఉద్యోగులే కాకుండా ప్రైవేట్‌ సంస్థలు, సొసైటీలు, ట్రస్టు ఉద్యోగులను కూడా నియమించవచ్చునంటూ కేంద్రం జారీచేసిన ఉత్తర్వులపై కాంగ్రెస్‌ తీవ్రంగా విమర్శలు చేసింది. ఈ చర్య వెనుక దురుద్దేశం ఉందని, ఇది ‘వేలాది మంది ఆర్‌ఎస్‌ఎస్‌/బీజేపీ కార్యకర్తలకు రోజ్‌గార్‌ గ్యారెంటీ యోజన పథకం’ లాంటిదని కాంగ్రెస్‌ ప్రధాన కార్యదర్శి జైరాం రమేశ్‌ ఆరోపించారు. ఆర్‌ఎస్‌ఎస్‌ జూలై 10 నుంచి 12 వరకు తన కార్యకర్తల కోసం నిర్వహించిన శిక్షణ శిబిరం నేపథ్యాన్ని మనం చూడాలని అన్నారు. ఈ శిబిరం 2027 జనాభా గణన అనే ఏకైక ఎజెండాపై దృష్టి పెట్టిన విషయాన్ని ఆయన గుర్తు చేశారు.