Grand Welcome to KCR | సీఎం కేసీఆర్‌కు సర్కోలీలో ఘన స్వాగతం.. తులసిమాలతో సత్కరించిన భగీరథ్‌ బాల్కే

Grand Welcome to KCR | సోలాపూర్‌ జిల్లాకు చెందిన ప్రముఖ రాజకీయ నాయకుడు భగీరథ్‌ బాల్కే సీఎం కేసీఆర్‌కు ఘన స్వాగతం పలికారు.

సోలాపూర్‌: మహారాష్ట్రలోని సోలాపూర్‌ జిల్లాలో మంగళవారం బీఆర్‌ఎస్‌ పార్టీ భారీ బహిరంగసభను నిర్వహించింది. సర్కోలీ గ్రామంలో జరిగిన ఈ సభకు బీఆర్‌ఎస్‌ పార్టీ అధినేత, తెలంగాణ ముఖ్యమంత్రి కేసీఆర్‌ హాజరయ్యారు. ఈ సందర్భంగా సోలాపూర్‌ జిల్లాకు చెందిన ప్రముఖ రాజకీయ నాయకుడు భగీరథ్‌ బాల్కే సీఎం కేసీఆర్‌కు ఘన స్వాగతం పలికారు.

ముందుగా సోలాపూర్‌ సంప్రదాయ వస్త్రధారణలో భాగమైన తలపాగాను సీఎం కేసీఆర్‌కు తలకు అలంకరించారు. అనంతరం మెడలో కండువా కప్పారు. ఆ తర్వాత శాలువా కప్పి సత్కరించారు. తర్వాత తులసిమాల వేశారు. ఆపై సంగీత వాయిద్యమైన తంబురాను, చిడతలను బహూకరించారు. అదేవిధంగా శ్రీవిఠలేశ్వర స్వామి, రుక్మిణీ అమ్మవారు కలిసి ఉన్న ప్రతిమను అందజేశారు. అంతకుముందు సీఎం కేసీఆర్‌.. భగీరథ్‌ బాల్కేతోపాలు పలువురు నేతలకు గులాబీ కండువాలు కప్పి పార్టీలోకి ఆహ్వానించారు.