Word of the Year | ఆక్స్‌ఫర్డ్‌ వర్డ్‌ ఆఫ్‌ ది ఇయర్‌.. బ్రెయిన్‌ రాట్‌

ఆక్స్‌ఫర్డ్‌ యూనివర్సిటీ ప్రెస్‌ ‘వర్డ్‌ ఆఫ్‌ ది ఇయర్‌-2024’గా బ్రెయిన్‌ రాట్‌(brain rot)ను ప్రకటించింది. 37 వేల మందికిపైగా పాల్గొన్న పబ్లిక్‌ ఓటింగ్‌ నుంచి ఆరు పదాలను షార్ట్‌ లిస్ట్‌ చేసి అందులో నుంచి బ్రెయిన్‌ రాట్‌ను వర్డ్‌ ఆఫ్‌ ది ఇయర్‌గా ఎంపిక చేశారు.

Word of the Year | న్యూఢిల్లీ, డిసెంబర్‌ 2 : ఆక్స్‌ఫర్డ్‌ యూనివర్సిటీ ప్రెస్‌ ‘వర్డ్‌ ఆఫ్‌ ది ఇయర్‌-2024’గా బ్రెయిన్‌ రాట్‌(brain rot)ను ప్రకటించింది. 37 వేల మందికిపైగా పాల్గొన్న పబ్లిక్‌ ఓటింగ్‌ నుంచి ఆరు పదాలను షార్ట్‌ లిస్ట్‌ చేసి అందులో నుంచి బ్రెయిన్‌ రాట్‌ను వర్డ్‌ ఆఫ్‌ ది ఇయర్‌గా ఎంపిక చేశారు. బుద్ధి హీనమైన సోషల్‌ మీడియా అలవాట్లు, నిష్ప్రయోజనకర కంటెంట్‌ వినియోగంపై విస్తృత ఆందోళనలను దృష్టిలో ఉంచుకొని ఈ పదాన్ని ఈ ఏడాది పదంగా ఎంపిక చేశారు.

మానసిక లేదా మేధో స్థితి క్షీణతను బ్రెయిన్‌ రాట్‌ అంటారు. అవసరం లేని కంటెంట్‌ను అధికంగా వినియోగించడం వల్ల ఇది కలుగుతుంది. ముఖ్యంగా సామాజిక మాధ్యమాల్లో తక్కువ నాణ్యత గల ఆన్‌లైన్‌ కంటెంట్‌తో ఎక్కువగా మమేకం అయినప్పుడు కలిగే దుష్ప్రభావాలపై ఏడాది కాలంగా ఈ పదం విస్తృతంగా వాడుకలోకి వచ్చింది.