Atiq Ahmed | కారు ప్రమాదంలో అతిక్ అహ్మద్ కుమారుడు అబాన్ మృతి.. మరో ముగ్గురికి గాయాలు

Atiq Ahmed : గ్యాంగ్‌స్టర్ అతిక్ అహ్మద్ కుమారుడు అబాన్ (21) రోడ్డు ప్రమాదంలో మరణించాడు. అతడితోపాటు కారులో ప్రయాణిస్తున్న ఇంకో స్నేహితుడు కూడా మరణించగా, మరో ముగ్గురికి తీవ్ర గాయాలయ్యాయి. ఈ ఘటన ఉత్తర ప్రదేశ్‌లోని ఝాన్సీ పరిధిలో గురువారం జరిగింది.

Atiq Ahmed : గ్యాంగ్‌స్టర్ అతిక్ అహ్మద్ కుమారుడు అబాన్ (21) రోడ్డు ప్రమాదంలో మరణించాడు. అతడితోపాటు కారులో ప్రయాణిస్తున్న ఇంకో స్నేహితుడు కూడా మరణించగా, మరో ముగ్గురికి తీవ్ర గాయాలయ్యాయి. ఈ ఘటన ఉత్తర ప్రదేశ్‌లోని ఝాన్సీ పరిధిలో గురువారం జరిగింది. ఉత్తర ప్రదేశ్‌లో పేరు మోసిన గ్యాంగ్‌స్టర్ అతిక్ అహ్మద్. రాజకీయ నాయకుడిగానూ గుర్తింపు తెచ్చుకున్నాడు. అతడిపై అనేక కేసులు నమోదయ్యాయి. తన అనుచరులతో హత్యలు, బెదిరింపులు వంటి ఘటనలకు పాల్పడ్డాడు. ఈ క్రమంలో 2023లో అతిక్ శతృవులు అతడిని అతి సమీపం నుంచి కాల్చి చంపారు.

అతిక్ చిన్న కొడుకైన అబాన్ అహ్మద్.. స్నేహితులతో కలిసి ప్రయాగ్ రాజ్‌ నుంచి ఝాన్సీకి వైట్ హ్యుండాయ్ క్రెటా కారులో బయల్దేరాడు. జైలులో ఉన్న తన సోదరుడిని కలుసుకునేందుకు గురువారం వెళ్తుండగా కారు ప్రమాదానికి గురైంది. ఒక జంతువు అడ్డురావడంతో దానిని తప్పించేందుకు కారు డ్రైవర్ ప్రయత్నించాడు. అయితే, కారు అతివేగంతో ఉండటంతో అదుపుతప్పి, పక్కనే ఉన్న డివైడర్‌ను ఢీకొంది. ఈ ఘటనలో అతిక్ అహ్మద్‌తోపాటు, అతడి స్నేహితుడు సోను కూడా మరణించారు. మరో ముగ్గురు గాయపడ్డారు. ఘటనపై సమాచారం అందుకున్న పోలీసులు సహాయక చర్యలు చేపట్టారు. స్తానికులు, పోలీసులు కారులో గాయపడ్డ ఐదుగురిని ఆస్పత్రికి తరలించారు. అయితే, అప్పటికే అబాన్, అతడి స్నేహితుడు మరణించినట్లు వైద్యులు తెలిపారు. దీంతో ఇద్దరి మృతదేహాల్ని పోస్టుమార్టం నిమిత్తం ప్రభుత్వ ఆస్పత్రికి తరలించారు. గాయపడ్డవారికి చికిత్స కొనసాగుతోంది. ఈ ఘటనలో వాహనం చాలా వరకు ధ్వంసమైందని పోలీసులు తెలిపారు.

ఈ ఘటనపై పూర్తిస్థాయిలో విచారణ జరుపుతున్నట్లు పోలీసులు తెలిపారు. అతీక్‌తోపాటు, అతడి కుటుంబానికి కూడా తీవ్రమైన నేర చరిత్ర ఉంది. 2023లో జరిగిన ఎన్‌కౌంటర్‌లో అతిక్ కొడుకు అసద్ అహ్మద్ మరణించాడు. అతడి రెండో కొడుకు అలీ అహ్మద్ ఝాన్సీ జైలులో ఉన్నాడు. అతడిపై 10 వరకు క్రిమినల్ కేసులున్నాయి. అతడిని కలిసేందుకు అబాన్ వెళ్తుండగానే ఈ రోడ్డు ప్రమాదం జరిగింది. అతిక్ మరో కొడుకు ఉమర్ అహ్మద్ లక్నో జైలులో ఉన్నాడు. అతిక్ చిన్న కొడుకు అబాన్ ఈ నేరచరిత్రకు దూరంగా ఉంటున్నాడు. అతడు చదువుకుంటున్నాడు. మరో కొడుకు ఆజామ్ కూడా చదువుకుంటున్నాడు.