చండీగఢ్: హర్యానా మాజీ హోం మంత్రి అనిల్ విజ్ (Anil Vij) తన ఎక్స్ బయోలో ‘మోదీ కా పరివార్’ ట్యాగ్లైన్ను మార్చారు. కింది లైన్లోకి దానిని మార్చడంతో ఎక్స్ బయోలో ఆయన పేరు పక్కన అది మాయమైంది. అయితే మంత్రి వర్గం నుంచి తొలగించిన నేపథ్యంలో బీజేపీ అధిష్టానం పట్ల ఆయన ఆగ్రహంతో ఉన్నారు. దీంతో అనిల్ విజ్ ఉద్దేశపూర్వకంగానే ‘మోదీ కా పరివార్’ ట్యాగ్లైన్ను కిందకు మార్చారంటూ ఆ పార్టీ నేతలు, మద్దతుదారులు ఆరోపించారు.
కాగా, ఈ విమర్శల దాడిని అనిల్ విజ్ ఖండించారు. ‘మోదీ కా పరివార్’ ట్యాగ్లైన్ను కిందకు దించడంపై వివరణ ఇచ్చారు. తాను ఇప్పుడు మాజీ అయ్యానని, అందుకే ప్రతి చోట ఎక్స్ అని రాసుకోవాల్సి వస్తోందని తెలిపారు. ఎక్స్ (ట్విట్టర్) బయోలో ‘హర్యానా మాజీ హోంమంత్రి’ అని పేర్కొనడం వల్ల నిర్ణీత అక్షరాల సంఖ్య మించిపోయిందని చెప్పారు. దీంతో మోదీ కుటుంబానికి చెందిన తాను ‘మోదీ కా పరివార్’ ట్యాగ్లైన్ను పై వరుస నుంచి కిందకు మార్చాల్సి వచ్చిందని అన్నారు.
మరోవైపు ‘మోదీ కా పరివార్’ ట్యాగ్లైన్ను కిందకు మార్చిన నేపథ్యంలో తనపై బురద జల్లేందుకు కొంత మంది బీజేపీ నేతలు, మద్దతుదారులకు అవకాశం కలిగిందని అనిల్ విజ్ విమర్శించారు. అయితే తాను బలమైన బీజేపీ భక్తుడినని అన్నారు. ఆరోపణలు చేసే ముందు తనతో మాట్లాడి ఉంటే దీని గురించి స్పష్టత ఇచ్చేవాడినని ఎక్స్లో వివరణ ఇచ్చారు. ఇప్పటికైనా తీరు మార్చుకోవాలంటూ బీజేపీ నేతలు, పార్టీ మద్దతుదారులపై ఆయన మండిపడ్డారు.
सब को पता है की मैं अब एक्स हो गया हूं और सभी जगह पर मुझे एक्स लिखना चाहिए । परंतु जब मैं X पर अपनी प्रोफाइल में एक्स लिखने लगा तो नाम में लिखे जाने वाले अक्षरों को संख्या निश्चित संख्या से ज्यादा हो गई तो उस में से ( मोदी का परिवार ) जो कि मैं हूं ही वह ऊपर से हटाकर नीचे लगाना…
— Anil Vij Ex – Home Minister Haryana, India (@anilvijminister) April 8, 2024