Mumbai Blast: త్వ‌ర‌లో ముంబైను పేల్చేస్తా.. మెసేజ్ పంపిన వ్య‌క్తి అరెస్టు

Mumbai Blast: ముంబై న‌గ‌రాన్ని పేల్చివేస్తానంటూ ఓ వ్య‌క్తి ట్విట్ట‌ర్‌లో మెసేజ్ చేశాడు. ఆ వ్య‌క్తిని ముంబై పోలీసులు ప‌ట్టుకున్నారు. ప్ర‌స్తుతం అత‌న్ని విచారిస్తున్నారు. ఎందుకు ఆ వ్య‌క్తి అలా బెదిరించాడ‌న్న కోణంలో ద‌ర్యాప్తు కొన‌సాగిస్తున్నారు.

ముంబై: ముంబై(Mumbai)ను త్వ‌ర‌లో పేల్చివేయ‌నున్న‌ట్లు ఓ వ్య‌క్తి బెదిరించాడు. మే 22వ తేదీన ఉద‌యం 11 గంట‌ల‌కు ముంబై పోలీసుల‌కు ఆ మెసేజ్ అందింది. ట్విట్ట‌ర్‌లో  బెదిరింపున‌కు పాల్ప‌డిన ఆ వ్య‌క్తిని పోలీసులు అరెస్టు చేశారు. ద‌ర్యాప్తు చేప‌ట్టిన పోలీసులు ఆ వ్య‌క్తి గురించి ఆరా తీసి అత‌న్ని అదుపులోకి తీసుకున్నారు. బెదిరింపు మెసేజ్(Threat Message) చేసిన ఆ వ్య‌క్తిని మ‌రింత లోతుగా విచారించ‌నున్నారు. ఈ ఘ‌ట‌న గురించి ముంబై పోలీసులు త్వ‌ర‌లో మ‌రింత స‌మాచారాన్ని వెల్ల‌డించ‌నున్నారు.