Helicopter Crash: మ‌హారాష్ట్ర‌లో కూలిన హెలికాప్ట‌ర్‌.. శివ‌సేన నేత‌కు త‌ప్పిన ప్ర‌మాదం.. వీడియో

Helicopter Crash: మ‌హారాష్ట్ర‌లో ఓ ప్రైవేటు హెలికాప్ట‌ర్ కూలింది. ఈ ఘ‌ట‌న రాయ్‌గ‌డ్ జిల్లాలోని మ‌హ‌ద్ ప‌ట్ట‌ణంలో జ‌రిగింది. శివ‌సేన డిప్యూటీ నేత సుష్మా అధారే ఆ హెలికాప్టర్‌లో ప్ర‌యాణించాల్సి ఉంది. అయితే ఆ నేత‌ను తీసుకువెళ్లేందుకు వ‌స్తున్న హెలికాప్ట‌ర్‌.. ల్యాండింగ్ స‌మ‌యంలో కుప్ప‌కూలింది.

రాయ్‌గ‌డ్‌: మ‌హారాష్ట్ర‌లో ఓ ప్రైవేటు హెలికాప్ట‌ర్ కూలింది(Helicopter Crash). ఈ ఘ‌ట‌న రాయ్‌గ‌డ్ జిల్లాలోని మ‌హ‌ద్ ప‌ట్ట‌ణంలో జ‌రిగింది. శివ‌సేన డిప్యూటీ నేత సుష్మా అధారే ఆ హెలికాప్టర్‌లో ప్ర‌యాణించాల్సి ఉంది. అయితే ఆ నేత‌ను తీసుకువెళ్లేందుకు వ‌స్తున్న హెలికాప్ట‌ర్‌.. ల్యాండింగ్ స‌మ‌యంలో కుప్ప‌కూలింది. ల్యాండింగ్ జ‌రుగుతున్న‌ప్పుడు ఆ హెలికాప్ట‌ర్ అటూ ఇటూ ఊగింది. బ్యాలెన్స్ త‌ప్పింది. ఆ హెలికాప్ట‌ర్‌ను అదుపు చేసేందుకు పైలెట్ ప్ర‌య‌త్నించినా ఫ‌లితం లేకుండాపోయింది. ఖాళీ మైదానంలో ఆ హెలికాప్ట‌ర్ ఒక్క‌సారిగా భారీ శ‌బ్ధం చేస్తూ కూలింది. ఆ ప్రాంతం నుంచి దుమ్ము లేచింది. కూలుతున్న స‌మ‌యంలో ఆ హెలికాప్ట‌ర్ నుంచి పైలెట్ కింద‌కు దూకాడు. అయితే అత‌ను ప్రాణాల‌తో ఉన్న‌ట్లు తెలిసింది. వైట్ అండ్ బ్లూ క‌ల‌ర్‌లో ఉన్న రోట‌రీ వింగ‌ర్ హెలికాప్ట‌ర్ ప్ర‌మాదంలో పూర్తిగా ధ్వంస‌మైంది. పోలీసులు, రెస్క్యూ బృందాల‌ను ఆ ప్ర‌దేశానికి వెంట‌నే చేరుకున్నారు. శివ‌సేన లీడ‌ర్ సుష్మా అధారే.. కారులో ప్ర‌చారం కోసం బ‌య‌లుదేరి వెళ్లారు.

Maharashtra: Pilot injured as private #helicopter tilts during landing in #Maharashtra Raigad district pic.twitter.com/52QlRK6lt4

— Parteek Behl پراتک بہل (@BehlParteek) May 3, 2024