ఇటీవల ముస్లింలు బక్రీద్ (ఈద్ అల్-అధా)ను ఘనంగా జరుపుకున్నారు. అల్లాహ్ పంపిన ప్రవక్తల్లో ఒకరైన హజరత్ ఇబ్రహీం త్యాగనిరతికి ప్రతీకగా జరుపుకొనే పండగ బక్రీద్. ఈ పండుగ రోజు పెంపుడు జంతువులు గొర్రె, మేక, ఎద్దు లేదా ఒంటె లను ఇబ్రహీం ప్రవక్త సంస్మణార్థం బలి ఇస్తారు. ప్రపంచవ్యాప్తంగా ఉన్న ముస్లింలు దీన్ని పాటిస్తారు. దీన్ని ఉధియా లేదా ఖుర్బానీ అంటారు. కాగా, బక్రీద్ ఖుర్బానీ కోసం ఓ యజమాని తన మేకను అమ్మేందుకు ప్రయత్నించగా, అది అతడిని హత్తుకొని ఏడ్చింది. ఈ వీడియో నెట్టింట వైరల్గా మారింది.
మేక దాని యజమాని చేతుల్లో ఏడుస్తూ కనిపించిన హృదయ విదారక వీడియో సోషల్ మీడియాలో చక్కర్లుకొడుతోంది. ఈ వీడియోలో పెద్ద మేక తన యజమాని భుజంపై తల పెట్టి ఏడుస్తుంది. అతడు తన మేకను కౌగిలించుకోవడం కనిపిస్తుంది. ఏడుస్తున్నఆ మూగజీవిని పక్కనే ఉన్న మరోవ్యక్తి ఓదార్చడం చూడొచ్చు. ఫేస్బుక్లో వైరల్గా మారిన ఈ వీడియో వేల సంఖ్యలో వీక్షణలు సొంతంచేసుకుంది. నెటిజన్లు విచారకరమైన ఎమోజీలతో స్పందించారు.
Quran goat crying emotional video 😭😭 pic.twitter.com/M5JBu2CkaT
— Myasir Myasir (@SalafiMyasir_21) July 12, 2022