మధురై: వర్కింగ్ ఉమెన్స్ హాస్టల్లో ఉంటూ తోటి మహిళల నగ్న ఫొటోలు, వీడియోలను ప్రియుడికి షేర్ చేసిన కేసులో.. ఓ వైద్యుడిని, అతడి ప్రియురాలిని పోలీసులు అరెస్ట్ చేశారు. మధురైలోని రామనాథపురం కాముడి ఏరియాకు చెందిన వైద్యుడు ఆశిక్ స్థానికంగా క్లినిక్ నిర్వహిస్తున్నారు. జనని అనే యువతి బీఈడీ చదువుతూ, ఆశిక్ క్లినిక్లో పార్ట్టైమ్ జాబ్ చేస్తూ వర్కింగ్ ఉమెన్స్ హాస్టల్లో ఉంటున్నది.
ఈ క్రమంలో ఆశిక్కు, జననికి మధ్య శారీరక సంబంధం ఏర్పడింది. దాంతో ఆశిక్ కోరిక మేరకు ఆమె హాస్టల్ నుంచి తన ఫొటోలను, వీడియోలను అతనికి పంపించేది. ఆ తర్వాత తన హాస్టల్మేట్స్ ఫొటోలు, వీడియోలు కూడా పంపాలని ఆశిక్ కోరడంతో.. ఆ పని కూడా మొదలు పెట్టింది. హాస్టల్ మేట్స్ బట్టలు మార్చుకునేటప్పుడు, స్నానాలు చేసేటప్పుడు ఫొటోలు, వీడియోలు తీసి ఆశిక్ షేర్ చేసేది.
ఎప్పటిలాగే గత గురువారం కూడా జనని ఓ యువతిని వీడియో తీస్తుండగా గమనించి ఫోన్ లాక్కుంది. అందులో తన వీడియోలు చూసి హాస్టల్ వార్డెన్కు ఫిర్యాదు చేసింది. హాస్టల్ వార్డెన్ జనని ఫోన్ను పరిశీలించగా.. తోటి మహిళలకు చెందిన అనేక నగ్న ఫొటోలు, వీడియోలు కనిపించాయి. దాంతో ఆమె అన్నానగర్ పోలీసులకు ఫిర్యాదు చేసింది.
కేసు నమోదు చేసుకున్న పోలీసులు దర్యాప్తు చేపట్టారు. పారిపోయిన నిందితుల కోసం గాలించి ఇవాళ అదుపులోకి తీసుకున్నారు. వారి మొబైల్ ఫోన్లను సీజ్ చేసి డిలీట్ చేసిన డాటా రికవరీ కోసం ఫోరెన్సిక్ నిపుణులకు పంపించారు. కాగా, జనని పంపిన న్యూడ్ ఫొటోలు, వీడియోలను ఆశిక్ మాత్రమే చూశాడా, ఇతరులకు కూడా షేర్ చేశాడా అనేది తేలాల్సి ఉందని పోలీసులు తెలిపారు.