84 ఏండ్లుగా ఒకే కంపెనీలో ఉద్యోగం!

కంపెనీలు మారడం ఈ రోజుల్లో సర్వసాధారణం. పని వాతావరణం నచ్చకో, అధిక జీతం కోసమో ఉద్యోగులు ఒక కంపెనీ నుంచి మరో కంపెనీకి మారుతుంటారు.

న్యూఢిల్లీ, మే 5: కంపెనీలు మారడం ఈ రోజుల్లో సర్వసాధారణం. పని వాతావరణం నచ్చకో, అధిక జీతం కోసమో ఉద్యోగులు ఒక కంపెనీ నుంచి మరో కంపెనీకి మారుతుంటారు. అయితే బ్రెజిల్‌కు చెందిన వందేండ్ల వృద్ధుడు గత 84 ఏండ్లుగా ఒకే కంపెనీలో పనిచేస్తూ గిన్నెస్‌ రికార్డు నెలకొల్పాడు. శాంటా కరాటినాలోని చిన్న పట్టణంలో జన్మించిన వాల్టర్‌ ఓర్త్‌మన్‌.. 1938లో తన 15వ ఏట ఓ టెక్స్‌టైల్‌ కంపెనీలో షిప్పింగ్‌ అసిస్టెంట్‌గా చేరాడు. అప్పటి నుంచి ఇప్పటివరకు అదే కంపెనీలో పనిచేస్తున్నాడు. ఇటీవలే తన సహోద్యోగుల మధ్య వందో పుట్టినరోజు జరుపుకున్నారు. అత్య ంత సుదీర్ఘకాలం (84 ఏండ్ల 9 రోజులు) ఒకే కంపెనీలో పనిచేసిన వ్యక్తిగా ఆయన గిన్నెస్‌ రికార్డు సాధించాడు.