Gang Rape | గర్భిణి బాలికపై గ్యాంగ్‌ రేప్‌.. దాడి సమయంలో ప్రసవం

Gang Rape | బీజేపీ పాలిత రాజస్థాన్‌లో గర్భవతి అయిన 16 ఏండ్ల బాలికపై కారులో ముగ్గురు వ్యక్తులు సామూహిక లైంగిక దాడికి పాల్పడ్డారు. ఆ దాడి సమయంలో ఆ బాలికకు ప్రసవం అయ్యి బిడ్డకు జన్మనిచ్చింది.

Gang Rape | జైపూర్‌: బీజేపీ పాలిత రాజస్థాన్‌లో గర్భవతి అయిన 16 ఏండ్ల బాలికపై కారులో ముగ్గురు వ్యక్తులు సామూహిక లైంగిక దాడికి పాల్పడ్డారు. ఆ దాడి సమయంలో ఆ బాలికకు ప్రసవం అయ్యి బిడ్డకు జన్మనిచ్చింది. దీంతో వారు ఆమెను పసికందుతో పాటు రోడ్డుపై పడేసి పరారయ్యారు. హృదయవిదారకమైన ఈ ఘటన ఢిల్లీ-ముంబై ఎక్స్‌ప్రెస్‌వేకు సమీపంలోని కోల్వా పోలీస్‌స్టేషన్‌ పరిధిలో జరిగింది. బాధితురాలిని నిందితులు ముగ్గురు అపహరించి ఈ దారుణానికి పాల్పడ్డారు.

నిందితులు వదిలివెళ్లిన తర్వాత బాధితురాలు స్థానికంగా ఉన్న ఓ వ్యక్తి సాయం కోరింది. అనంతరం శిశువును దుస్తుల్లో చుట్టుకుని ఆసుపత్రికి చేరుకున్నట్లు సమాచారం. వైద్యులు పసికందును పరీక్షించి అప్పటికే మృతిచెందినట్లు నిర్ధారించారు. బాలికకు చికిత్స అందిస్తున్నారు. ఈ ఘటనపై సమాచారం అందుకున్న కొల్వా పోలీస్‌స్టేషన్‌ ఇన్‌ఛార్జి మనోహర్‌లాల్‌ దౌసా జిల్లా ఆసుపత్రికి చేరుకున్నారు.

నిందితుల్లో ఒకరు గతంలోనూ బాలికపై లైంగిక దాడికి పాల్పడినట్లు ప్రాథమిక సమాచారం ద్వారా తెలుస్తున్నది. ఫిబ్రవరి, మే నెలల్లో అతడు బాలికపై లైంగిక దాడి చేసినట్లు, దీంతో ఆమె గర్భం దాల్చినట్లు ఆరోపణలు ఉన్నాయి.