నైట్‌కర్ఫ్యూ.. యాదాద్రి ఆలయ వేళల్లో మార్పు

ఆలయ వేళల్లో మార్పు | తెలంగాణ ప్రభుత్వం నేటి రాత్రి నుంచి నైట్‌ కర్ఫ్యూ అమలు చేయనుంది. ఈ నేపథ్యంలో రేపటి నుంచి యాదాద్రి ఆలయ సమయంలో స్పల్ప మార్పులు చేస్తూ ఆలయ అధికారులు నిర్ణయం తీసుకున్నారు.

యాదాద్రి భువనగిరి జిల్లా : రాష్ట్రంలో కరోనా విజృంభిస్తున్న నేపథ్యంలో తెలంగాణ ప్రభుత్వం నేటి రాత్రి నుంచి నైట్‌కర్ఫ్యూ అమలు చేయనుంది.

ఈ నేపథ్యంలో యాదాద్రి ఆలయానికి వచ్చే భక్తులకు ఇబ్బంది లేకుండా ఆలయ వేళల్లో స్వల్ప మార్పులు చేస్తున్నట్లు ఈఓ గీత తెలిపారు.

రాత్రి 9 గంటల నుంచి ఉదయం 5 గంటల వరకు కర్ఫ్యూ అమలులో ఉండనుండటంతో ఆలయాన్ని ఉదయం 5.30 గంటల తెరిచి రాత్రి 8 గంటలకు మూసివేస్తామని పేర్కొన్నారు.

ఆలయంలో నిత్య కైంకర్యాలు యథావిధిగా కొనసాగుతాయని స్పష్టం చేశారు. భక్తులు విషయాన్ని గమనించి సహకరించాలని కోరారు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి