Nakirekal : ఈ 12న మంగళపల్లిలో జూనియర్ జిల్లా హ్యాండ్ బాల్ సెలక్షన్స్

ఉమ్మడి నల్లగొండ జిల్లా హ్యాండ్ బాల్ అసోసియేషన్ ఆధ్వర్యంలో ఈ నెల 12న నకిరేకల్ మండలం జ‌డ్పీహెచ్ఎస్ మంగళపల్లి గ్రౌండ్‌లో జూనియర్ బాల, బాలికల హ్యాండ్ బాల్ జిల్లా జట్టు సెలక్షన్స్ నిర్వహించనున్న‌ట్లు అసోసియేషన్ ప్రధాన కార్యదర్శి చింతకాయల పుల్లయ్య శుక్ర‌వారం తెలిపారు.

నకిరేకల్, మే 09 : ఉమ్మడి నల్లగొండ జిల్లా హ్యాండ్ బాల్ అసోసియేషన్ ఆధ్వర్యంలో ఈ నెల 12న నకిరేకల్ మండలం జ‌డ్పీహెచ్ఎస్ మంగళపల్లి గ్రౌండ్‌లో జూనియర్ బాల, బాలికల హ్యాండ్ బాల్ జిల్లా జట్టు సెలక్షన్స్ నిర్వహించనున్న‌ట్లు అసోసియేషన్ ప్రధాన కార్యదర్శి చింతకాయల పుల్లయ్య శుక్ర‌వారం తెలిపారు.

ఈ సెలక్షన్స్ లో ఉత్తమ ప్రతిభ కనబరిచి జిల్లా జట్టుకు ఎంపికైన క్రీడాకారులు జూన్ 4 నుండి 6 వరకు నకిరేకల్‌లో జరిగే 47వ తెలంగాణ రాష్ట్ర స్థాయి జూనియర్ బాల, బాలికల హ్యాండ్ బాల్ ఛాంపియన్ షిప్‌లో పాల్గొన‌నున్న‌ట్లు వెల్ల‌డించారు. ఈ క్రీడల్లో పాల్గొనే బాల, బాలికలు 01-01- 2006 నుండి 31-12-2009 మధ్య‌లో జ‌న్మించిన‌వారై ఉండాల‌న్నారు. సెలక్షన్స్ కి వచ్చేప్పుడు తమ ఆధార్ కార్డు, పుట్టిన తేదీ ధ్రువీకరణ వెంట తీసుకురావాల‌న్నారు. ఈ నెల 30 వ‌ర‌కు శిక్ష‌ణ కొన‌సాగ‌నున్న‌ట్లు పేర్కొన్నారు.