పూలతో బతుకమ్మ వైభవం- అక్షరాలతో భావితరాల వికాసం

ప్రాథమికోన్నత పాఠశాల పాలెంలో విద్యార్థులు, ఉపాధ్యాయులు ముందస్తు బతుకమ్మ వేడుకల‌ను శుక్ర‌వారం ఘనంగా నిర్వహించారు. విద్యార్థులు, ఉపాధ్యాయులు బతుకమ్మను అందంగా తయారు చేసి ఆడి పాడారు. బతుకమ్మను పేర్చే ప్రతి పువ్వులో...

నకిరేకల్, అక్టోబర్ 09 : ప్రాథమికోన్నత పాఠశాల పాలెంలో విద్యార్థులు, ఉపాధ్యాయులు ముందస్తు బతుకమ్మ వేడుకల‌ను శుక్ర‌వారం ఘనంగా నిర్వహించారు. విద్యార్థులు, ఉపాధ్యాయులు బతుకమ్మను అందంగా తయారు చేసి ఆడి పాడారు. బతుకమ్మను పేర్చే ప్రతి పువ్వులో ఒక క్రమం, అందం ఉన్నట్లే… మన పిల్లల తొలి అడుగుల్లో చదవడం, రాయడం, లెక్కలు నేర్పడం అంతే ముఖ్యమనే సారాంశంతో బతుకమ్మలు తయారు చేశారు. ప్రకృతిని ఆరాధించే మన సంస్కృతితో పాటు, ప్రాథమిక అక్షరాస్యత–సంఖ్యాజ్ఞానాన్ని (FLN) ప్రతి చిన్నారికి అందిద్దాం, చదువుల వెలుగులతో వారి భవిష్యత్‌ను తీర్చిదిద్దుదామ‌ని పేర్కొన్నారు. ఈ కార్యక్రమంలో పాఠశాల ప్రధానోపాధ్యాయుడు ఎల్.నగేష్, ఉపాధ్యాయులు టి.నర్సింహమూర్తి, జి.కల్పన, ఎస్.పద్మలత, విద్యార్థులు, వారి త‌ల్లిదండ్రులు పాల్గొన్నారు.