ఘనంగా అందెశ్రీ ప్రథమ వర్ధంతి వేడుకలు

అందెశ్రీ ప్రథమ వర్ధంతి వేడుకలను సిద్దిపేట జిల్లా మద్దూరు మండల కేంద్రంలో ఘనంగా నిర్వహించారు.

మద్దూరు (ధూళిమిట్ట): ప్రజా కవి అందెశ్రీ ప్రథమ వర్ధంతి వేడుకలను సిద్దిపేట జిల్లా మద్దూరు మండల కేంద్రంలో ఘనంగా నిర్వహించారు. అందెశ్రీ సొంత మండలమైన మద్దూరులో ఆయన చిత్రపటానికి పలువురు నాయకులు పూలమాలలు వేసి నివాళులర్పించారు. అందెశ్రీ ఆశయాల సాధన కోసం ప్రతి ఒక్కరు కృషి చేయాలని కోరారు.

తెలంగాణ మలిదశ ఉద్యమంలో అందెశ్రీ పాత్ర ఎనలేనిదని కొనియాడారు. ఈ కార్యక్రమంలో నాయకులు బోయిని పవన్, రాగుల బాల నరసయ్య, పిడిశెట్టి రాజు, ఆరే సాయిలు, కత్రోజు నరసింహ చారి, సిరిమల్లె శ్రీనివాస్, కొలుపుల రాము తదితరులు పాల్గొన్నారు.