తెలంగాణ కోసం పుట్టిన పార్టీ బీఆర్ఎస్
డాక్టర్ మర్రి చెన్నారెడ్డి 1969 తెలంగాణ ఉద్యమం చేపట్టి ఏం సాధించలేక పోయాడు. అప్పుడు 369 మంది చనిపోయారు. గెలిపించిన ఎంపీలందరూ పార్టీలు మారారు. ఇప్పుడు ఇగ గీ కేసీఆర్ పార్టీ పెట్టిండు. ఉద్యమం చేసి తెలంగాణ రాష్ట్రం తీసుకువస్తాడని అవహేళన చేస్తున్నారంటూ కేసీఆర్ సన్నిహితుడు, బీఆర్ఎస్ పార్టీ వ్యవస్థాపకుల్లో ఒకరు కెప్టెన్ లక్ష్మీకాంతరావు నాతో పాటు ముఖ్య నాయకులకు చెప్పి బాధపడ్డడు.
- కేసీఆర్తో కలిసి పనిచేసి తెలంగాణ సాధించినందుకు సంతోషంగా ఉంది..
- జిల్లెల గాల్రెడ్డి, తెలంగాణ ఉద్యమకారుడు
అక్కన్నపేట, ఏప్రిల్ 26: డాక్టర్ మర్రి చెన్నారెడ్డి 1969 తెలంగాణ ఉద్యమం చేపట్టి ఏం సాధించలేక పోయాడు. అప్పుడు 369 మంది చనిపోయారు. గెలిపించిన ఎంపీలందరూ పార్టీలు మారారు. ఇప్పుడు ఇగ గీ కేసీఆర్ పార్టీ పెట్టిండు. ఉద్యమం చేసి తెలంగాణ రాష్ట్రం తీసుకువస్తాడని అవహేళన చేస్తున్నారంటూ కేసీఆర్ సన్నిహితుడు, బీఆర్ఎస్ పార్టీ వ్యవస్థాపకుల్లో ఒకరు కెప్టెన్ లక్ష్మీకాంతరావు నాతో పాటు ముఖ్య నాయకులకు చెప్పి బాధపడ్డడు. కానీ, మాకు రోషం వచ్చింది. ప్రాణాలు పోయినా పర్వాలేదు. పదవులు లెక్క కాదు, శాశ్వతం కాదు, ఎవడికి భయపడేదీ లేదు, కానీ. తెలంగాణ తెచ్చి తీరాలె అని కెప్టెన్తో కలిసి అప్పుడు ఉద్యమ నేత కేసీఆర్ను కలిసినం. సిద్దిపేట జిల్లా అక్కన్నపేట మండలంలోని కట్కూరు గ్రామానికి చెందిన జిల్లెల గాల్రెడ్డి బీఆర్ఎస్ పార్టీ 25వ ఆవిర్భావం సందర్భంగా ‘నమస్తే తెలంగాణ’తో మాట్లాడారు.
తాను సిద్దిపేటలో కేసీఆర్తో కలిసి డిగ్రీ చదువుకున్న. నన్ను గుర్తు పట్టిండు. ఆత్మీయంగా దగ్గరకు తీసుకొని ఆలింగనం చేసుకున్నారు. హైదరాబాద్లో జలదృశ్యం మీటింగ్ తర్వాత కరీంనగర్లో సింహగర్జన మొదటి మీటింగ్, తర్వాత తెలంగాణ జలసాధన, రెండు, మూడు వేల కార్లతో పార్టీ తరపున హైదరాబాద్ టూ ఢిల్లీ యాత్ర, తర్వాత పల్లెబాట, బై ఎలక్షన్లు, ఎన్నికలు, సభలు, ఉద్యమం, ఇలా నాటి నుంచి తెలంగాణ సాధించే వరకు కేసీఆర్ వెంట ఉన్నాము. పార్టీ నుంచి పిలుపు వచ్చిందంటే సైనికులా వెళ్లిపోయేటోళ్లం. ఉమ్మడి ఆంధ్రప్రదేశ్లో మనల్ని ఆగమాగం చేసిండ్రు. అయినా ఒకటే లక్ష్యం తెలంగాణ రావాలె, కావలె అనే నినాదంతో కేసీఆర్ సబ్బండ వర్ణాలతో ఉద్యమాన్ని ఉధృతం చేసి ప్రాణాలకు తెగించి తెలంగాణ రాష్ర్టాన్ని సాధించారు. తెలంగాణ రాష్ట్ర ఏర్పాటు కోసం పుట్టిన పార్టీ బీఆర్ఎస్ అని, తెలంగాణ తెచ్చినం అని నిమ్మలం అయ్యింది. గర్వంగా కూడా ఉంది.
తెలంగాణ తొలి ముఖ్యమంత్రి కేసీఆర్ పదేండ్ల పాలనలో ఉద్యోగాలు, కరెంటు, నీళ్లు పుష్కలం. అన్ని వర్గాలకు సముచిత స్థానం కల్పిస్తూనే, తెలంగాణ శ్రేయస్సు, సంక్షేమ పథకాలు బ్రహ్మాండంగా కొనసాగాయి. అడుక్కునే పరిస్థితి నుంచి మన రాష్ట్రమే హుందాతనంతో ఇతర రాష్ర్టాలకు సహాయ, సహకారాలు అందించే స్థాయికి ఎదిగినం, మనం మంచిగా బతికినం. కానీ, ఇప్పుడు సమైక్యాంధ్రకు తొత్తుగా ఉండే సీఎం రేవంత్ పాలనలో రాష్ట్రం తిరోగమనంలో పయనిస్తుంటే దుఃఖం వస్తోంది. నవ్వేటోళ్ల ముందటా బొర్లపడ్డట్టు అయ్యింది. 2001 పార్టీ అవిర్భావం నుంచి 2016 వరకు ఉమ్మడి కరీంనగర్ జిల్లా భీమదేవరపల్లి టీఆర్ఎస్ పార్టీ మండల అధ్యక్షుడిగా 15 ఏండ్ల పాటు పనిచేశాను. చాలా సంతోషం అనిపించింది.
Read Today's Latest Medak News in Telugu and Telugu News
RELATED ARTICLES
తాజా వార్తలు
Promotions | టీజీఎస్ ఆర్టీసీ హైదరాబాద్ జోన్లో 63 మంది సిబ్బందికి పదోన్నతులు హైదరాబాద్ : తెలంగాణ రాష్ట్ర రోడ్డు రవాణా సంస్థ (TGSRTC) హైదరాబాద్ జోన్ పరిధిలో ఉద్యోగుల పదోన్నతుల ప్రక్రియలో భాగంగా మొత్తం 63 మంది ఉద్యోగులకు వివిధ ఉన్నత హోదాల్లో పదోన్నతులు కల్పిస్తూ హైదరాబాద్ జోన్ ఈడీ ఖుశ్రో షా ఖాన్ ఉత్తర్వులు జారీ చేశారు. .జూనియర్ క్లర్క్ ( ఫైనాన్స్)గా పదోన్నతి పొందిన వారిలో 23 మంది కండక్టర్లు, ముగ్గురు డ్రైవర్లు, ఇద్దరు ఆఫీసర్లు (RCs), . జూనియర్ అసిస్టెంట్ (పర్సనల్)గా 27 మంది కండక్టర్లు పదోన్నతి పొందారని వివరించారు.
‘ఏఐటీయూసీ జాతీయ మహాసభలను జయప్రదం చేయండి’
‘ప్రతి నిరుపేద కుటుంబానికి ఇందిరమ్మ ఇంటింటి జీవిత బీమా’
Anil Byreddy | ఆస్ట్రేలియాలో ‘తెలంగాణ భవన్’ నిర్మాణానికి శ్రీకారం: అనిల్ బైరెడ్డి
ఇందిరమ్మ కుటుంబ జీవిత బీమా పథకం పేద కుటుంబాలకు అండ
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

