పరస్పర సహకారానికి ఒప్పందం

ములుగులోని కొండా లక్ష్మణ్‌ తెలంగాణ రాష్ట్ర ఉద్యాన విశ్వవిద్యాలయం, ఇండియన్‌ కౌన్సిల్‌ ఆఫ్‌ మెడికల్‌ రిసెర్చ్‌, నేషనల్‌ ఇనిస్టిట్యూట్‌ ఆఫ్‌ న్యూట్రిషన్‌ (ఐసీఎమ్‌ఆర్‌-ఎన్‌ఐఎన్‌) సంస్థల మధ్య పరస్పర సహకారానికి శనివారం అధికారులు ఒప్పందం కుదుర్చుకున్నారు.

ములుగు, జూన్‌ 1: ములుగులోని కొండా లక్ష్మణ్‌ తెలంగాణ రాష్ట్ర ఉద్యాన విశ్వవిద్యాలయం, ఇండియన్‌ కౌన్సిల్‌ ఆఫ్‌ మెడికల్‌ రిసెర్చ్‌, నేషనల్‌ ఇనిస్టిట్యూట్‌ ఆఫ్‌ న్యూట్రిషన్‌ (ఐసీఎమ్‌ఆర్‌-ఎన్‌ఐఎన్‌) సంస్థల మధ్య పరస్పర సహకారానికి శనివారం అధికారులు ఒప్పందం కుదుర్చుకున్నారు. ఉద్యాన విశ్వవిద్యాలయం ఉపకులపతి డాక్టర్‌ నీరజాప్రభాకర్‌ ఆధ్వర్యంలో అధికారులు ఒప్పంద పత్రాలపై సంతకాలు చేశారు. క్లిష్టమైన ఆరోగ్య సమస్యలను పరిష్కరించేందుకు ప్రజారోగ్య వ్యవస్థను మెరుగుపర్చేందుకు, స్థిరమైన ఉద్యాన పంటలను ప్రోత్సహించడంలో ఈ ఒప్పందం దోహదపడుతుందని వీసీ నీరజాప్రభాకర్‌ తెలిపారు. కార్యక్రమంలో రిజిస్ట్రార్‌ భగవాన్‌, డైరెక్టర్‌ ఆఫ్‌ ఎక్స్‌టెన్షన్‌ కిరణ్‌కుమార్‌, డీన్‌ రాజశేఖర్‌, శాస్త్రవేత్త సుచిత్ర ఇతర అధికారులు ఉన్నారు.