విరబూసిన సీతా అశోక పుష్పం

జడ్చర్లలోని ప్రభుత్వ డి గ్రీ కళాశాల తెలంగాణ బొటానికల్‌ గార్డెన్‌లో అరుదైన సీతాఅశోక మొక్కకు పుష్పం విరబూసింది. అంతరించిపోతున్న మొక్కలలో ఒకటైన సీతా అశోక మొక్కలు తెలంగాణ రాష్ట్రంలో కేవలం నల్లమల అడవుల్లోనే పె రుగుతాయి. ఈ మొక్కను ఆంధ్రప్రదేశ్‌లోని యోగివేమన యూనివర్సిటీలోని లీడ్‌ బొటానికల్‌ గార్డెన్‌ నుం చి సేకరించి జడ్చర్లలోని తెలంగాణ బొటానికల్‌ గార్డెన్‌ లో పెంచుతున్నారు.

• జడ్చర్ల బీఆర్‌ఆర్‌ కళాశాలలో వికసించిన అరుదైన మొక్క
• ‘సరాక అశోక’ శాస్త్రీయ నామం
• ‘అసోకారిస్టం’ మందు తయారీ

జడ్చర్లటౌన్‌, మార్చి 25 : జడ్చర్లలోని ప్రభుత్వ డిగ్రీ కళాశాల తెలంగాణ బొటానికల్‌ గార్డెన్‌లో అరుదైన సీతాఅశోక మొక్కకు పుష్పం విరబూసింది. అంతరించిపోతున్న మొక్కలలో ఒకటైన సీతా అశోక మొక్కలు తెలంగాణ రాష్ట్రంలో కేవలం నల్లమల అడవుల్లోనే పెరుగుతాయి. ఈ మొక్కను ఆంధ్రప్రదేశ్‌లోని యోగివేమన యూనివర్సిటీలోని లీడ్‌ బొటానికల్‌ గార్డెన్‌ నుం చి సేకరించి జడ్చర్లలోని తెలంగాణ బొటానికల్‌ గార్డెన్‌ లో పెంచుతున్నారు. ఈ క్రమంలో సీతా అశోక మొ క్క అందమైన ఆకృతిలో పుష్పించిందని గార్డెన్‌ సమన్వయకర్త డాక్టర్‌ సదాశివయ్య తెలిపారు. ఈ మొ క్కకు సరాక అశోక అనే శాస్త్రీయ నామం ఉన్నట్లు పే ర్కొన్నారు. ఈ చెట్టులోని ప్రతిభాగం ఔషధమేనని, దీని నుంచి అసోకారిస్టం అనే మందును తయారు చే స్తారని చెప్పారు. మహిళలకు సంబంధించిన వ్యాధు లు నయం చేయడానికి దీన్ని ఉపయోగిస్తారన్నారు. పురాణాల్లోనూ ఈ మొక్క ప్రాధాన్యతను తెలియజేశారని, బుద్ధుడు అశోక చెట్టు కింద జన్మించాడని, అశోకచెట్టు వనంలో సన్యాసం స్వీకరించాడని ప్రతీతి. ఈ చెట్టు ఎక్కడ ఉంటే అక్కడ శోకం ఉండదని చెబుతుంటారన్నారు. అంతరించిపోతున్న ఈ మొక్కలను కాపాడే క్రమంలో తెలంగాణ బొటానికల్‌ గార్డెన్‌లో దీన్ని పెంచుతున్నట్లు సదాశివయ్య తెలిపారు.