చివరి ఆయకట్టుకూ సాగునీరు
కోయిల్సాగర్ ప్రాజెక్టు చివరి ఆయకట్టు వరకు సాగు నీరు అందిస్తామని దేవరకద్ర, నారాయణపేట ఎమ్మెల్యేలు మధుసూదన్రెడ్డి, పర్ణికారెడ్డి అన్నారు. శుక్రవారం మండలంలోని కోయిల్సాగర్ ప్రాజెక్టు కుడి, ఎడమ కాల్వల నుంచి వారు ఆయకట్టుకు సాగు నీటిని విడుదల చేశారు.
- దేవరకద్ర, నారాయణపేట ఎమ్మెల్యేలు మధుసూదన్రెడ్డి, పర్ణికారెడ్డి
- కోయిల్సాగర్ కుడి, ఎడమ కాల్వల ద్వారా నీటి విడుదల
దేవరకద్ర, జూలై 26 : కోయిల్సాగర్ ప్రాజెక్టు చివరి ఆయకట్టు వరకు సాగు నీరు అందిస్తామని దేవరకద్ర, నారాయణపేట ఎమ్మెల్యేలు మధుసూదన్రెడ్డి, పర్ణికారెడ్డి అన్నారు. శుక్రవారం మండలంలోని కోయిల్సాగర్ ప్రాజెక్టు కుడి, ఎడమ కాల్వల నుంచి వారు ఆయకట్టుకు సాగు నీటిని విడుదల చేశారు. ఈ సందర్భంగా మాట్లాడుతూ ప్రతి ఎకరాకూ సాగునీరు అందించడమే ప్రభుత్వ లక్ష్యమన్నారు. ఎడమ కాల్వ దేవరకద్ర నియోజకవర్గం పరిధిలో వస్తుందని, కుడి కాల్వ నారాయణపేట జిల్లా పరిధిలోకి వస్తుందన్నారు.
ఆయకట్టు కింద ఉన్న దేవరకద్ర, చిన్నచింతకుంట, మరికల్, ధన్వాడ మండలంలోని ఆయా గ్రామాలకు చెందిన రైతులు సాగు నీటిని వృథా చేయకుండా సద్వినియోగం చేసుకోవాలన్నారు. కోయిల్సాగర్ ప్రాజెక్టు ప్రకృతి సిద్ధంగా కొండల నడుమ ఆహ్లాదకరమైన, అద్భుతమైన వాతావరణంలో ఉందన్నారు. ఈ విషయం ముఖ్యమంత్రి దృష్టికి తీసుకెళ్లి ప్రాజెక్టును పర్యాటక స్థలంగా మారుస్తామని చెప్పారు. కార్యక్రమంలో ప్రాజెక్టు చైర్మన్ ఉమామహేశ్వర్రెడ్డి, ప్రాజెక్టు ఈఈ ప్రతాప్సింగ్, నాయకులు అంజిరెడ్డి, అరవింద్కుమార్రెడ్డి, రాఘవేందర్రెడ్డి, వెంకటేశ్, భరత్, గోపాల్ తదితరులు ఉన్నారు.
సరళాసాగర్ నుంచి నీటి విడుదల
మదనాపురం, జూలై 26 : సరళాసాగర్ ఎడమ కాల్వ ద్వారా సాగునీరు అందిస్తామని ఎమ్మెల్యే మధుసూదన్రెడ్డి అన్నారు. శుక్రవారం నీటి తీరవా సంఘం ఆధ్వర్యంలో ఉమ్మడి మదనాపురం, కొత్తకోట మండలంలోని 10 గ్రామాల రైతులకు ఎడమ కాల్వ ద్వారా సాగునీరు విడుదల చేశారు. ఎమ్మెల్యే మధుసూదన్రెడ్డి కృష్ణా జలాలకు ప్రత్యేక పూజలు చేశారు.
ఈ సందర్భంగా ఆయన మాట్లాడుతూ ఆ సియా ఖండంలోనే మొట్టమొదటి ఆటోమెటిక్ స్టైఫ న్ సిస్టం కలిగిన సరళాసాగర్ను టూరిజం స్పాట్గా ఏర్పాటు చేస్తామన్నారు. సరళాసాగర్, నెల్విడి, కు రుమూర్తిరాయ లిఫ్టులకు సంబంధించిన మోటర్లు, పైప్లైన్ల మరమ్మతులు చేయించి యాసంగి సీజన్ వరకు పూర్తి స్థాయిలో అందుబాటులోకి తెస్తామన్నారు. కార్యక్రమంలో నీటిపారుదల శాఖ అధికారులు, మండల నాయకులు పాల్గొన్నారు.
Read Today's Latest Mahabubnagar News in Telugu and Telugu News
RELATED ARTICLES
తాజా వార్తలు
IndiaNew vs Zealand | తొలి టెస్టులో సత్తా చాటిన భారత్ బౌలర్లు.. బుమ్రా ఖాతాలో మూడో వికెట్.. కివీస్ 95/5
Dia Mirza | ఆయనతో పనిచేయడం ఓ పీడకల..! దియా మీర్జా సంచలన వ్యాఖ్యలు
Sreeleela | అందుకే టాలీవుడ్కు దూరం..! క్లారిటీ ఇచ్చిన శ్రీలీల
Kamal Haasan| సేయాన్లో విరుమాండి గెటప్.. అతిథి పాత్రలో కనిపించనున్న కమల్హాసన్..!
Jain Diksha | కోట్లాది వ్యాపారాన్ని వదిలి సన్యాసం..! సూరత్లో ఓ కుటుంబం నిర్ణయం
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

