Bottle Cap | వాటర్‌ బాటిల్‌ మూత గొంతులో ఇరుక్కుని చిన్నారి మృతి

వాటర్‌ బాటిల్‌ మూత గొంతులో ఇరుక్కుని తొమ్మిది నెలల చిన్నారి మృతి చెందిన విషాద ఘటన నారాయణపేట జిల్లాలో చోటుచేసుకుంది.

ఉట్కూరు : వాటర్‌ బాటిల్‌ మూత ( Bottle Cap ) గొంతులో ఇరుక్కుని తొమ్మిది నెలల చిన్నారి మృతి ( Child Died ) చెందిన విషాద ఘటన నారాయణపేట జిల్లా ఉట్కూరు మండల కేంద్రంలోని దేవినగర్‌లో చోటుచేసుకుంది. స్థానికంగా నివాసం ఉంటున్న లక్ష్మణ్‌, గాయత్రి దంపతుల కుమారుడు ఆర్యవర్ధన్‌ మంగళవారం ప్రమాదవశాత్తు వాటర్‌ బాటిల్‌ మూత గొంతులో ఇరుక్కోవడంతో తీవ్ర అస్వస్థతకు గురయ్యాడు.

గుర్తించిన కుటుంబ సభ్యులు వెంటనే జిల్లా దవాఖానకు తరలించగా అక్కడ చికిత్స పొందుతూ బుధవారం చిన్నారి మృతి చెందాడు. చిన్నారి మృతితో కుటుంబ సభ్యులు కన్నీరుమున్నీరుగా విలపించారు. అప్పటివరకు ఆడుకుంటూ ఉన్న చిన్నారి విగతజీవిగా మారడంతో కుటుంబంలో విషాదం నెలకొంది.