కారు బీభత్సం

ఫుల్‌గా మద్యం తాగిన వ్యక్తి కారు నడిపి బీభత్సం సృష్టించిన ఘటనలో ఒకరు మృతి చెందగా ముగ్గురికి గాయాలయ్యాయి.

• ఒకరు మృతి.. ముగ్గురికి గాయాలు

కొత్తకోట, ఫిబ్రవరి 9 : ఫుల్‌గా మద్యం తాగిన వ్యక్తి కారు నడిపి బీభత్సం సృష్టించిన ఘటనలో ఒకరు మృతి చెందగా ముగ్గురికి గాయాలయ్యాయి. వనపర్తి కొత్తకోట పట్టణంలోని శుక్రవారం రాత్రి 8 గంటల సమయంలో రాయినిపేట గ్రామానికి చెం దిన సతీశ్‌రెడ్డి అతిగా మద్యం తాగి కారును నడుపుకొంటూ పట్టణంలోని బస్టాండ్‌ సమీపంలో బైక్‌పై వెళ్తున్న బావబామ్మర్దులు అంజి, ఆంజేయులును ఢీకొట్టాడు. దీంతో భయాందోళనకు గురై నడుచుకుంటూ వెళ్తున్న మరో వ్యక్తి రామును సైతం ఢీకొన్నాడు.

అంతటితో ఆగకుండా కారు వేగంగా నడిపి పోలీస్‌స్టేషన్‌లో సమీపంలో బైక్‌పై వెళ్తున్న గొల్ల నర్సింహులును (30) ఢీకొట్టాడు. దీంతో అతడు మృతి చెందాడు. గాయపడిన బావబామ్మర్దులను వనపర్తి ఏరియా దవాఖానకు తరలించగా.. రాము ను స్థానిక ప్రైవేట్‌ దవాఖానకు తరలించారు. మృతి చెందిన నర్సింహ స్వగ్రామం రామకృష్ణాపురం. సతీశ్‌రెడ్డిని పోలీసులు అదుపులోకి తీసుకొని కేసు నమోదు చేసినట్లు ఎస్సై మంజునాథ్‌రెడ్డి తెలిపారు.