ఎన్ని సార్లు చెప్పాలి

చీకటి రాత్రిలో ఒంటరిగా నిలబడ్డాను ఆకాశం మీది చుక్కలు కండ్ల ముందే అదృశ్యమయ్యాయి నా మనసు రంగుల ప్రపంచాన్ని‘కల’గంటుంది!

చీకటి రాత్రిలో
ఒంటరిగా నిలబడ్డాను
ఆకాశం మీది చుక్కలు
కండ్ల ముందే అదృశ్యమయ్యాయి
నా మనసు
రంగుల ప్రపంచాన్ని‘కల’గంటుంది!

నేను కొత్త సామ్రాజ్యాన్ని
నిర్మించుకున్నాను
నీతో పనిలేదు..
నేనే ప్రపంచాన్ని
నేనే స్వప్నాన్ని
చిరు నవ్వును
రహస్యంగా దాచాను!

పిరికితనం
బలహీనత
అబద్ధాలు
నాకు శత్రువులు
నా ఎడబాటును
ఎదురుచూస్తున్న కాలం!

చీకటిలో మిణుగురును
ప్రమాదం లేని వెలుతురును
అప్రమత్తతతో ప్రయాణిస్తాను
గమ్యం చేరే వరకు నిరీక్షిస్తాను
మృత్యువుతో రాకు అని
ఎన్నిసార్లు చెప్పాలి!!

– ఎదిరెపల్లి కాశన్న
9640006304