స్ఫూర్తి తెలంగాణ

అవమానాలు అణచివేతలపై పిడికిలి బిగించిన నేల స్వేచ్ఛగీతానికి ఉద్యమ స్వరాలద్దిన పోరుభూమి సర్వమతాలు, జాతి సంస్కృతులకు నెలవైన అమ్మఒడి

అవమానాలు అణచివేతలపై పిడికిలి బిగించిన నేల
స్వేచ్ఛగీతానికి ఉద్యమ స్వరాలద్దిన పోరుభూమి
సర్వమతాలు, జాతి సంస్కృతులకు నెలవైన అమ్మఒడి
స్వరాష్ట్ర స్వప్న సాకారానికి పోరాట పాఠాలు నేర్పిన బడి
నాది తెలంగాణ యుద్ధరాగాల్ని శాంతి గీతాల్ని రవళించే వీణ

అరవైఏండ్ల పరాయి పాలనలో గుండెలనిండా కన్నీటిధార
నిలువెత్తు గాయాలైనా నిలువుదోపిడిపై నిలిచి గెలిచిన రణధీర
ఉసిల్ల పుట్టలై ఉద్యమానికి ఊపిరులూదిన ముక్కోటి జనగానం
మట్టితల్లి విముక్తికోసం ప్రాణాలర్పించిన అమరుల త్యాగం
ఇది తెలంగాణ పోరాటాల తెగువ మడమతిప్పని నైజం నరనరాన

ఉబికివస్తున్న దుఃఖాన్ని గుండెలోతుల్లో దాచుకుని
జై తెలంగాణ నినాదాన్ని భుజానికెత్తుకుని
త్యాగాల పునాదుల మీద నిర్మించుకున్న ఆశల సౌధం
బంగారు తెలంగాణే లక్ష్యంగా చేసే ఆశయాల సేద్యం
మాది తెలంగాణ గమ్యం చేరేదాక ఆగని నిరంతర సాధన

పంటసిరులకు ఊతమిచ్చిన కాకతీయ, కాళేశ్వర జలధార
పుడమిపుత్రునికి రైతుబంధు, రైతుబీమాతో ఆసరా
బతుకు తెరువైన బడుగులకు పథకాల నజరాన
ఆదిలాబాద్‌ మొదలు హస్తిన వరకు స్ఫూర్తి తెలంగాణ
భారతావని కంతటికీ కావాలే ఈ నేల పాలన

మధుకర్‌ వైద్యుల
91827 77409