శభాష్‌ రాధిక!.. హైదరాబాద్‌ విమానాశ్రయంలో తొలి మహిళా ఫోర్క్‌ లిఫ్ట్‌ ఆపరేటర్‌

మహిళలు అన్ని రంగాల్లోనూ అడుగుపెడుతున్నారు అని చెప్పుకొంటున్నామే కానీ... ఇప్పటికీ చాలాచోట్ల వారి ఉనికే ఉండటం లేదు. కఠినమైన, బరువైన పనులకు వారిని ఇప్పటికీ దూరం పెడుతున్నారు. అలాంటి ఒక రంగమే ఫోర్క్‌ లిఫ్ట్‌ ఆపరేటర్‌. నైపుణ్యంతో బరువైన కార్గోలను ఎత్తి, తరలించేవారే ఈ ఆపరేటర్లు.

మహిళలు అన్ని రంగాల్లోనూ అడుగుపెడుతున్నారు అని చెప్పుకొంటున్నామే కానీ… ఇప్పటికీ చాలాచోట్ల వారి ఉనికే ఉండటం లేదు. కఠినమైన, బరువైన పనులకు వారిని ఇప్పటికీ దూరం పెడుతున్నారు. అలాంటి ఒక రంగమే ఫోర్క్‌ లిఫ్ట్‌ ఆపరేటర్‌. నైపుణ్యంతో బరువైన కార్గోలను ఎత్తి, తరలించేవారే ఈ ఆపరేటర్లు. హన్మకొండకు చెందిన శ్రీరామోజు రాధిక, ఇప్పుడు ఈ పరిమితిని అధిగమించారు.

హైదరాబాద్‌ విమానాశ్రయంలో తొలి మహిళా ఫోర్క్‌ లిఫ్ట్‌ ఆపరేటర్‌గా రికార్డు సృష్టించారు. పదో తరగతి వరకు మాత్రమే చదివిన రాధిక మీద ఇద్దరు పిల్లల బాధ్యత ఉంది. ‘ఆదాయం కోసం కుట్టుపని లాంటి ఉపాధి ఎంచుకోవచ్చు కదా!’ అని చాలామంది సలహా ఇచ్చారు. కానీ, ఏదైనా వైవిధ్యమైన రంగంలో అడుగుపెడితే పోటీ తక్కువే కాకుండా తన ప్రత్యేకత కూడా చాటినట్లు అవుతుందని భావించారు రాధిక.

తన ఆశయానికి అండగా నిలుస్తూ జిఎంఆర్‌ వరలక్ష్మి ఫౌండేషన్‌, రాధికకు ఫోర్క్‌ లిఫ్టింగ్‌కి అవసరమైన శిక్షణ అందించింది. ఈ కఠినమైన శిక్షణను దాటుకుని, సందడిగా ఉండే హైదరాబాద్‌ విమానాశ్రయంలో ఫోర్క్‌ లిఫ్ట్‌ ఆపరేటర్‌గా ఉద్యోగం సంపాదించారు. ‘సంకల్పం ఉంటే ఎవరైనా ఏదైనా సాధించగలరు’ అంటారు రాధిక. నిజమే కదా!