శుభ్రత.. పరిశుభ్రత!

చాలామంది దుస్తులు ఉతకడానికి వాషింగ్‌మెషిన్‌ వాడతారు. ఇప్పుడు మధ్యతరగతి వారికీ ఈ యంత్రం చేరువైంది. మన దుస్తులను శుభ్రపరిచే వాషింగ్‌మెషిన్‌ను ఇలా పరిశుభ్రంగా ఉంచుకుందాం..

చాలామంది దుస్తులు ఉతకడానికి వాషింగ్‌మెషిన్‌ వాడతారు. ఇప్పుడు మధ్యతరగతి వారికీ ఈ యంత్రం చేరువైంది. మన దుస్తులను శుభ్రపరిచే వాషింగ్‌మెషిన్‌ను ఇలా పరిశుభ్రంగా ఉంచుకుందాం..

• వెనిగర్‌, బేకింగ్‌ సోడాను కలిపి స్పాంజితో మెషిన్‌ లోపలి భాగాన్ని రుద్దాలి. తర్వాత కొన్ని వేడినీళ్లు పోసి క్లీన్‌ చేసుకుంటే ఇంకా మంచిది. ఆ తర్వాత పొడివస్ర్తాన్ని తీసుకొని బాగా తుడిస్తే మెషిన్‌ చక్కగా క్లీన్‌ అవుతుంది.
• కొంత వెనిగర్‌ తీసుకొని డిటర్జెంట్‌ డిస్పెన్సర్‌లో వేయాలి. తర్వాత మెషిన్‌ ఆన్‌ చేసి స్పిన్‌ చేయాలి. ఈ సమయంలో వెనిగర్‌ మెషిన్‌ లోపలి భాగాన్నంతా నానబెడుతుంది. తర్వాత నీరు పోసి తిప్పితే సరి.
• సగం నిమ్మకాయ చెక్కకు కొద్దిగా టూత్‌పేస్ట్‌ రాయాలి. దాన్ని మెషిన్‌లో వేసి కొన్ని నీళ్లు పోసి ఆన్‌ చేయాలి. తర్వాత నీళ్లు పోసి క్లీన్‌ చేయాలి. రెండు వారాలకోసారైనా ఇలా క్లీన్‌ చేస్తే మంచిది.
• లోదుస్తుల్ని అన్నిటితో కలిపి ఉతికితే అందులోని క్రిములు ఇతర బట్టలకు వ్యాపించి, ఇన్ఫెక్షన్స్‌ పెరిగే ప్రమాదం ఉంది. అందుకే లోదుస్తుల్ని వేరుగా ఉతకడం మరవొద్దు. చిన్నపిల్లల దుస్తులు కూడా విడిగా ఉతకడం మంచిది.