గలత్‌ బాత్‌

స్నానం ఓ కళ. శాస్త్రం కూడా. మూడు చెంబులతో ముగించడం ఎంత తప్పో, గంటలకొద్దీ షవర్‌ కింద కాలక్షేపం చేయడమూ అంతే తప్పు. చిన్నచిన్న పొరపాట్లను సరిచేసుకోగలిగితే. స్నానాన్ని మించిన రిలాక్సేషన్‌ టెక్నిక్‌ ఉండదు.

స్నానం ఓ కళ. శాస్త్రం కూడా. మూడు చెంబులతో ముగించడం ఎంత తప్పో, గంటలకొద్దీ షవర్‌ కింద కాలక్షేపం చేయడమూ అంతే తప్పు. చిన్నచిన్న పొరపాట్లను సరిచేసుకోగలిగితే. స్నానాన్ని మించిన రిలాక్సేషన్‌ టెక్నిక్‌ ఉండదు.

• పది నిమిషాలకు మించి షవర్‌ కింద వద్దు. దీనివల్ల దీర్ఘకాలంలో వివిధ సమస్యలు రావచ్చని నిపుణులు హెచ్చరిస్తున్నారు.
• వేడివేడి నీళ్లతో స్నానం చేస్తే ఉపశమనం లభిస్తుందన్నదీ అపోహే. దీనివల్ల చర్మం పొడిబారిపోవచ్చు. సహజ కాంతిని కోల్పోవచ్చు. స్నానానికి గోరువెచ్చని నీళ్లే ఉత్తమం.
• ఎన్నిసార్లు సబ్బు రుబ్బితే చర్మం అంతగా శుభ్రపడుతుందన్నదీ అపోహే. దీనివల్ల సబ్బులోని రసాయనాల కారణంగా పీహెచ్‌ బ్యాలెన్స్‌ దెబ్బతింటుంది. ఫలితంగా హానికర బ్యాక్టీరియాను ఎదిరించే సామర్థ్యం కోల్పోతుంది.
• చాలామంది స్నానానికి ఉపయోగించే తువ్వాలును, ఒంటికి రుద్దుకునే పఫ్‌లనూ ఓ పట్టాన శుభ్రం చేసుకోరు. వాటిమీద ఫంగస్‌, బ్యాక్టీరియా చేరుకుంటాయి. చర్మ రోగాలకు కారణం అవుతాయి.
• రోజూ తలస్నానం చేస్తే జుట్టు శుభ్రంగా ఉంటుందన్నదీ అబద్ధమే. దీనివల్ల కుదుళ్లపై ఒత్తిడి పడుతుంది. వారానికి మూడు రోజుల తలస్నానం సరిపోతుంది.
• స్నానం కాగానే ఎండు తువ్వాలుతో బరబరా తుడిచేసుకోవడమూ సరికాదు. ముందుగా మెత్తని వస్త్రంతో ఒంటిని అద్దుకోవాలి.