ఐబ్రోస్‌ అందంగా

మందపాటి కనుబొమలు ఉంటే మనకు నచ్చిన షేప్‌ చేయించుకోవచ్చు. జుట్టుతో పాటు కనుబొమలు కూడా పల్చబడిపోతూ ఉంటాయి. అలాంటప్పుడు ముఖానికి అనుకున్న అందం రాదు. అందుకే వాటికోసం ప్రత్యేక సంరక్షణ అవసరం.

మందపాటి కనుబొమలు ఉంటే మనకు నచ్చిన షేప్‌ చేయించుకోవచ్చు. జుట్టుతో పాటు కనుబొమలు కూడా పల్చబడిపోతూ ఉంటాయి. అలాంటప్పుడు ముఖానికి అనుకున్న అందం రాదు. అందుకే వాటికోసం ప్రత్యేక సంరక్షణ అవసరం.

• కోల్డ్‌ప్రెస్డ్‌ ఆముదాన్ని చిన్న బ్రష్‌ లేదా కాటన్‌ స్వాబ్‌తో అద్ది కనుబొమల మీద సమంగా రాసి రాత్రంతా వదిలేయాలి. అందులో ఉండే రిసినోలిక్‌ ఆసిడ్‌ కనుబొమల వెంట్రుకల కుదుళ్లను కండిషనింగ్‌ చేస్తుంది.
• గోరువెచ్చగా చేసిన ఆలివ్‌ నూనె లేదా కొబ్బరి నూనెను కనుబొమలమీద వేసి మృదువుగా మర్దనా చేయాలి. ఇలా ప్రతి రోజూ చేయడం వల్ల రక్త సరఫరా మెరుగుపడి, ఆ ప్రాంతానికి తగినంత ప్రొటీన్‌ అందుతుంది.
• మార్కెట్లో కనుబొమల కోసమే ప్రత్యేకంగా సీరంలు దొరుకుతున్నాయి. అందులో పప్టైడ్‌, బయోటిన్‌, కెరాటిన్‌ లాంటివి ఉంటాయి. ఇవి కుదుళ్ల మీద పనిచేసి వెంట్రుకలు పెరిగేందుకు సాయపడతాయి.
• ఐరన్‌, జింక్‌, బయాటిన్‌లతో పాటు విటమిన్‌ ఎ, సి, ఇ పుష్కలంగా ఉండే ఆహారాన్ని తీసుకోవాలి. ప్రొటీన్‌ కూడా జుట్టు పెరుగుదలకు అత్యంత ప్రధానం. తగినంత నిద్ర పోవడం, ఒత్తిడిని తగ్గించుకోవడం కూడా ప్రధానంగా పనిచేసే అంశాలు.