On Her Way | అమ్మాయిలూ.. ఒంటరిగా టూర్‌ వెళ్లాలని అనుకుంటున్నారా? ఇది మీకోసమే

On Her Way | ప్రియాన్ష మిశ్రా.. ఒంటరి మహిళా యాత్రికుల కోసం తన సహపాఠి సృష్టి మెందేకర్‌తో కలిసి ‘ఆన్‌ హర్‌ వే’ అనే స్టార్టప్‌ ఏర్పాటుచేసింది. ఇద్దరూ మణిపాల్‌ ఇన్‌స్టిట్యూట్‌లో కలిసి చదువుకున్నారు. ఆ తర్వాత మైక్రోసాఫ్ట్‌లో పనిచేశారు.

On Her Way | ప్రియాన్ష మిశ్రా.. ఒంటరి మహిళా యాత్రికుల కోసం తన సహపాఠి సృష్టి మెందేకర్‌తో కలిసి ‘ఆన్‌ హర్‌ వే’ అనే స్టార్టప్‌ ఏర్పాటుచేసింది. ఇద్దరూ మణిపాల్‌ ఇన్‌స్టిట్యూట్‌లో కలిసి చదువుకున్నారు. ఆ తర్వాత మైక్రోసాఫ్ట్‌లో పనిచేశారు. కలిసి ప్రయాణాలు చేశారు కూడా. ‘ఆన్‌ హర్‌ వే’ సాయం తీసుకుంటే.. ప్రయాణం, ఆతిథ్యం నుంచి పర్యాటక ప్రదేశాల సందర్శన వరకు అన్ని బాధ్యతలూ వాళ్లే చూసుకుంటారు. ఆ బృందంలో అందరూ స్థానిక మహిళలే ఉంటారు.

‘ప్రయాణంతో ఆలోచనల విస్తృతి పెరుగుతుంది. ఆత్మవిశ్వాసం వస్తుంది. అప్పుడే సాధికారత సాధ్యం అవుతుంది’ అంటారు ప్రియాన్ష. వ్యక్తిగతంగా తనకూ భ్రమణకాంక్ష ఎక్కువే. ఒంటరి యాత్రలనే ఇష్టపడుతుంది. కానీ, ఆ ప్రయాణంలో అనేక చేదు అనుభవాలు ఎదురయ్యాయి. ఆ ఇబ్బందులు మరొకరికి రాకూడదనే ‘ఆన్‌ హర్‌ వే’కు ప్రాణంపోశారు. ఇప్పటికే ఐదువేల మంది ఒంటరి యాత్రికులు ఈ స్టార్టప్‌ సాయంతో దేశమంతా చుట్టొచ్చారు. ప్రత్యేకించి గోవా వెళ్లే యువతుల కోసం తాజాగా ఓ కార్యక్రమం చేపట్టారు ప్రియాన్ష, సృష్టి.