మాది పెద్దలు కుదిర్చిన పెండ్లి.. రోజూ తిట్టుకుంటాం.. మా మధ్య ప్రేమ లేదా?

మాది పెద్దలు కుదిర్చిన పెండ్లి. నా వయసు ముప్పై రెండు. ఆయనకు ముప్పై అయిదు. చాలా అన్యోన్యంగా ఉంటాం. కానీ, మా అభిప్రాయాలు మాత్రం ఒకేలా ఉండవు. తనకు నచ్చింది నాకు నచ్చదు. నేను బావుందని చెప్పినప్పుడు, అతను అస్సలు బాలేదని విభేదిస్తాడు. ఒక్కోసారి తీవ్రంగా వాదించుకుంటాం కూడా. ఎందుకిలా జరుగుతున్నది? మా మధ్య ప్రేమ లేదా?

మాది పెద్దలు కుదిర్చిన పెండ్లి. నా వయసు ముప్పై రెండు. ఆయనకు ముప్పై అయిదు. చాలా అన్యోన్యంగా ఉంటాం. కానీ, మా అభిప్రాయాలు మాత్రం ఒకేలా ఉండవు. తనకు నచ్చింది నాకు నచ్చదు. నేను బావుందని చెప్పినప్పుడు, అతను అస్సలు బాలేదని విభేదిస్తాడు. ఒక్కోసారి తీవ్రంగా వాదించుకుంటాం కూడా. ఎందుకిలా జరుగుతున్నది? మా మధ్య ప్రేమ లేదా?

– ఓ పాఠకురాలు

అలా ఎందుకు అనుకుంటారు? ఎవరి అభిప్రాయాలు వారివి. ఎవరి ఇష్టాలు వారివి. భిన్నాభిప్రాయాలు సహజం. భేదాభిప్రాయాలు సాధారణం. మనకు నచ్చని విషయాలను మనసులోనే మురగబెట్టుకోవడం కంటే.. చర్చించుకోవడం, వాదించుకోవడమే మేలు. దీనివల్ల అనవసరమైన బరువు దిగిపోతుంది. కానీ, ఆ వాదన వితండం కాకూడదు. ఒకరి మీద ఒకరికి బలమైన ప్రేమ, నమ్మకం ఉన్నంతకాలం మీ బంధానికొచ్చిన ఇబ్బందేం లేదు. అదే సమయంలో ఎదుటి మనిషి ఆలోచనలను ఆమోదించినా, ఆమోదించకపోయినా గౌరవించడం మాత్రం నేర్చుకోండి.

తన అభిరుచులను, ఆసక్తులను అర్థం చేసుకునే ప్రయత్నం చేయండి. ఇద్దరూ ఆమోదించే అంశాలూ కొన్ని ఉంటాయి. ఉదాహరణకు మీ ఇద్దరికీ మంచి భోజనం ఇష్టమైతే.. వారాంతాల్లో ఏదైనా రెస్టారెంట్‌కు వెళ్లండి. సినిమాలు ఇష్టమైతే.. తరచూ కలిసి చూడండి. దీనివల్ల దగ్గరితనం పెరుగుతుంది. అంతేకానీ, విభేదించే విషయాలనే పట్టుకుని వేలాడకండి. చర్చ వివాదాల స్థాయికి చేరుకుంటున్నట్టు అనుమానం రాగానే.. ముక్తాయింపు పలకండి.